စစ်အာဏာရှင်ခေတ် ပြန်မသွားလိုကြောင်း မန္တလေးတိုင်း၊ ကျောက်ပန်းတောင်းမြို့တွင် ယနေ့ ၂၀၂၂ ခုနှစ် ဖေဖေါ်ဝါရီလ (၁) ရက်နေ့က အမျိုးသားတစ်ဦး မိမိကိုယ်ကို မီးရှို့၍ ဆန္ဒထုတ်ဖေါ်ခဲ့ရာ အသက်အန္တရာယ် စိုးရိမ်နေရကြောင်း သိရသည်။
"၂၄ နာရီလုံး အများပြည်သူ၊ ပြည်သားများ မီးလင်းပါစေ။ ၂၀၀၁-၂၀၀၂ ပြန်မသွား"ဟု ရေးသားထားသည့် စာရွက်တစ်ရွက်ကိုလည်း အဆိုပါဆန္ဒထုတ်ဖေါ်သူအနီးတွင် တွေ့ရပြီး မီးလောင်ဒဏ်ရာပြင်းထန်စွာရထားသည့် ဆန္ဒပြသူအား ဆေးရုံတင်ပို့ထားရကြောင်း သိရသည်။
အဆိုပါ အမျိုးသားမှာ သံပန်းလုပ်ငန်းလုပ်ကိုင်သည့် ကိုအောင်အောင်ဆိုသူဖြစ်ကြောင်း သိရပြီး မြို့နယ်လျှပ်စစ်ရုံးရှေ့တွင် မိမိကိုယ်မိမိ မီးရှို့ဆန္ဒပြခဲ့ခြင်းဖြစ်ကြောင်း သိရသည်။
စစ်တပ်က နိုင်ငံ့အာဏာသိမ်းလိုက်သည့်ကာလ တစ်နှစ်တာကာလအတွင်း ပြည်သူအများစးမှာ စီးပွားရေးချွတ်ခြုံကျသွားသည့်အပြင် ဉပဒေအကာအကွယ်မရတော့ဘဲ အသက်အိုးအိမ်လုံခြုံမှုအတွက် စိုးရိမ်မှုများဖြင့် ကြုံတွေ့နေကြရခြင်းဖြစ်သည်။
