မိုးကုတ်မြို့၊ အောင်သစ်လွင်ရပ်ကွက်တွင် ယနေ့ ၂၀၂၁ခုနှစ် ဩဂုတ်လ(၂၄)ရက်နေ့ နံနက်(၆)နာရီဝန်းကျင်အချိန်က မြေပြိုမှု ဖြစ်ပွားရာမှ နေအိမ် အနည်းဆုံး(၃)လုံး ပျက်စီးပြီး လူ(၁၁)ဦး ပျောက်ဆုံးနေ၍ ကယ်ဆယ်ရေးအဖွဲ့က ညနေပိုင်းအထိ ရှာဖွေရာ (၈)ဦး၏ အလောင်းကို ရှာဖွေတွေ့ရှိထားပြီး ကျန်သည့် (၃)ဦးကို ဆက်လက်ရှာဖွေနေဆဲဖြစ်ကြောင်း သိရသည်။

မြေပြိုမှုဖြစ်စဉ်တွင် (၁၁)ဦး မဟုတ်ဘဲ (၁၄)ဦးရှိရာ (၃)ဦးမှာ အသက်ဘေးမှကင်းပြီး ထိခိုက်ဒဏ်ရာရရှိမှုသာဖြစ်ပြီး (၁၁)ဦးမှာ မြေပြိုကျသည့်အတွင်း ပိတ်မိနေရာမှ (၈)ဦး၏ အလောင်းကို ညနေပိုင်းအထိ ရှာဖွေတွေ့ရှိထားခြင်း ဖြစ်ကြောင်း သိရသည်။

ညနေပိုင်းအထိ မီးသတ်တပ်ဖွဲ့၊ ကြက်ခြေနီတပ်ဖွဲ့ နှင့် မိုးကုတ်မြို့မှ လူမှုရေးအသင်းအဖွဲ့များဖြင့် စုပေါင်း ရှာဖွေနေလျက်ရှိကြောင်း သိရသည်။