ကချင်ပြည်နယ်၊ ကချင်လွတ်မြောက်ရေးအဖွဲ့(KIO)၏ ထိန်းချုပ်နယ်မြေအတွင်း မဂါးယာန်စစ်ဘေးရှောင်စခန်းတွင် ညပိုင်းက မိုးသည်းထန်မှုကြောင့်  ယနေ့ ၂၀၂၁ခုနှစ် ဩဂုတ်လ(၁၂)ရက်နေ့ နံနက်ပိုင်းတွင် ရေကြီးရေလျှံမှုနှင့်အတူ မြေပြိုမှုများ ဖြစ်ပေါ်ပြီး တစ်ဦးသေဆုံးသွားကြောင်း သိရသည်။

ရေကြီးရေလျှံမှုကြောင့် ရေထဲမျှောသွားသည့် နေအိမ်မှာ (၅)အိမ်ရှိပြီး မြေပြိုမှုကြောင့် ပျက်စီးဆုံးရှုံးသွားသည့် အိမ်ခြေမှာ (၁၀)အိမ်ရှိကြောင်း နှင့် ရေဘေးသင့်ပြည်သူ စစ်ဘေးရှောင်များအတွက် စားနပ်ရိက္ခာနှင့်အကူအညီများ လိုအပ်နေကြောင်း Simsa Kasa ၏ ဖော်ပြထားချက်အရ သိရသည်။

ယင်းစစ်ဘေးရှောင်စခန်းသည် နှစ်စဉ်မိုးရွာသီကာလများတွင် ယခုလို ရေကြီးရေလျှံမှုများ ကြုံတွေ့ရကြောင်း သိရသည်။

#TachileikNewsAgency

Photo: Simsa KaSa