ကယား(ကရင်နီ)ပြည်နယ် ၊ ဒီးမောဆိုမြို့နယ်အတွင်းသို့ ယနေ့ မေလ(၃၁)ရက်နေ့ ညပိုင်းတွင် တာဝေးပစ်အမြှောက်များအား ဆက်တိုက်ပစ်ခက်နေသည့်အပြင် တိုက်လေယဥ်ဖြင်ပါ ဗုံးကျဲတိုက်ခိုက်နေကြောင်းသိရသည်။
ညနေက ရဟတ်ယာဥ်နဲ့ လာပစ်သွားတယ်။ အခု တိုက်လေယာဥ်နဲ့ ရောက်လာပြီး ဗုံးကျဲချတယ်။ အပေါ်ကနေ စက်သေနတ်နဲ့ အတွဲလိုက်ပစ်နေတယ် ။ ပစ်ပြီး ပြန်သွားတယ် ပြီးရင် ပြန်လာပစ်တယ်။ အခု ချိန်ထိ အမြှောက်လဲ ပစ်တယ်။ ခုက တိုက်လေယာဥ်နဲ့ပါ လာပစ်နေပါတယ်
ဟု ဒေသခံတစ်ဦးက ည (၇) နာရီအချိန်တွင် အတည်ပြုပြောသည်။
မေလ (၃၁)ရက်နေ့ နေ့လည်ပိုင်းမှစ၍ လက်ရှိချိန်ထိ ဒီးမော့ဆိုမြို့ ကုန်းသာကျေးရွာအနီး ကျောက်ဆည်ကန် နားတစ်ဝိုက်တွင် ဒေသခံပြည်သူ့ကာကွယ်ရေးတပ် (PDF)နှင့် အကြမ်းဖက်စစ်ကောင်စီတပ်တို့ တိုက်ပွဲ ဖြစ်ပွားနေခြင်းဖြစ်ပြီး စစ်ကောင်စီ ဖက်မှ အမြှောက်လက်နက်ကြီးများ အပြင် ရဟတ်ယာဥ် ပါအသုံးပြု၍ ညနေပိုင်းတွင် တိုက်ခိုက်ခဲ့ပြီး ယခုညပိုင်းတွင် တိုက်လေယာဥ်များဖြင့်ပါ ဗုံးကြဲတိုက်ခိုက်နေခြင်း ဖြစ်ကြောင်းသိရသည်။
လွိုင်ကော်မြို့ အခြေစိုက် အမြှောက်တပ်မှ မေလ (၃၁)ရက်နေ့ နေ့လည်ပိုင်းမှစ၍ ဒီးမော့ဆိုဖက်သို့ လက်ရှိချိန်ထိ တာဝေးပစ်အမြှောက်များ အချက်ပေါင်းများစွာ ပစ်ခတ်လျှက်ရှိပြီး ည (၇)နာရီအထိ တိုက်လေယာဥ်များကိုပါ အသုံးပြု၍ ဗုံးကျဲခြင်း လေယဥ်ပေါ်မှ စက်သေနတ်များဖြင့် အတွဲလိုက်ပစ်ခတ် တိုက်ခိုက်လျှက်ရှိကြောင်း သိရသည်။
တိုက်ပွဲ ဖြစ်ပွားနေသည့် ဒီးမော့ဆိုမြို့ ကုန်းသာကျေးရွာ အနီးကျောက်ဆည်ကန် အနီးမှ ပြည်သူ့ကာကွယ်ရေးတပ်များ ဆုပ်ခွာပေးထားပြီ ဖြစ်သော်လည်း စစ်ကောင်စီဖက်မှ တိုက်လေယာဥ်များပါသုံး၍ ဆက်လက်တိုက်ခိုက်နေခြင်းဖြစ်ပြီး PDF ဖက်မှ ထိခိုက်ကျဆုံးသူ အချို့ရှိပြီး အသေးစိတ်ကိုတော့ အတည်ပြု၍ မရသေးကြောင်းသိရသည်။
VDO: CJ
