ဒီးမော့ဆိုမြို့နယ်အတွင်း PDF နှင့် အာဏာသိမ်းစစ်တပ်တို့ တိုက်ပွဲ ဖြစ်နေ

မေ 23, 2021 | ကယား | ဒီးမော့ဆို | တိုက်ပွဲ

video_1247239389026657.mp4

ကယား(ကရင်နီ)ပြည်နယ်၊ ဒီးမော့ဆိုမြို့အတွင်း ယနေ့ မေလ(၂၃)ရက်နေ့ နေ့လည်ပိုင်းမှစ၍ ပြည်သူ့ကာကွယ်ရေးတပ်ဖွဲ့(PDF) နှင့် စစ်ကောင်စီတပ်များ တိုက်ပွဲ ဖြစ်ပွားနေကြောင်း သိရသည်။

ဟုတ်တယ် ကျွန်တော်တို့အခု ဒီးမော့ဆိုမြို့တွင်းမှာ ဖြစ်နေတယ်။ ငွေတောင်ဆည်နား တစ်လျှောက်။ သူတို့ဖက်က လက်နက်ကြီးတွေ သုံးပြီး ပစ်ခတ်နေတယ်။ အခု အခြေနေက နှစ်ဖက် ပစ်ခက်နေဆဲ ဖြစ်တယ်။

ဟု PDF အဖွဲ့ဝင်တစ်ဦက တာချီလိတ်သတင်းအေဂျင်စီသို့ အတည်ပြု ပြောဆိုသည်။

လက်ရှိချိန်တွင် ဒီးမော့ဆိုမြို့နယ်အတွင်းရှိ ဒေါငံခါး၊ ငွေတောင်ကျေးရွာ ငွေတောင်ဆည် ၊ ဒီးမော့ဆိုမြို့မ ရဲစခန်းအနီး (၆)မိုင်စံပြကျေးရွာအနီး တို့မှာ တိုက်ပွဲဖြစ်ပွားနေခြင်းဖြစ်ကြောင်း သိရသည်။

မေလ (၂၃)ရက်နေ့တွင် ရှမ်း-ကယားနယ်စပ် မိုးဗြဲမြို့ ၊ ကုန်းသာကျေးရွာ၊ ဝါရီကောခူ ၊ ပီကင်းကောခူး ကျေးရွာ ၊ ဒီးမော့ဆိုမြို့ နယ်တို့မှာ ပြည်သူ့ကာကွယ်ရေးတပ်များနှင့် စစ်ကောင်စီ တို့ တိုက်ပွဲများ ဖြစ်ပွားနေကြောင်းသိရသည်။

#TachileikNewsAgency

VDO: Tun Lwin Oo