ရှမ်းပြည်နယ်အရှေ့ပိုင်း တာချီလိတ်မြို့နယ်အတွင်းမှာရှိတဲ့ မဲရုံ (၇၀) မှာ မဲလက်မှတ်များအချိန်မီရောက်ရှိစေရေးနဲ့ ပြန်လည်သယ်ဆောင်ရေးလမ်းကြောင်းတွေအပါဝင် မဲရုံလုံခြုံရေးတွေအတွက် လိုက်လံစစ်ဆေးနေပါတယ်။

၂၀၂၀ ခုနှစ် နိုဝင်ဘာလ (၈) ရက်နေ့မှာ ကျင်းပပြုလုပ်မယ့် ပါတီစုံဒီမိုကရေစီအထွေထွေရွေးကောက်ပွဲမှာ မဲလက်မှတ်တွေအချိန်မီရောက်ရှိစေဖို့အတွက် အနီးဆုံး ရဲစခန်းတွေမှာ မဲလက်မှတ်တွေကို (၁) ရက်ကြိုတင်ပို့ဆောင်ထားမှာဖြစ်သလို သယ်ဆောင်ရာလမ်းကြောင်းမှာလည်း ပူးပေါင်းအဖွဲ့က လုံခြုံရေးတွေဆောင်ရွက်ပေးသွားမှာဖြစ်ပါတယ်။