ကူးစက်မြန်သည့် ကိုရိုနာဗိုင်းရပ်စ်( Coronavirus COVID-19 (2019-nCoV) )၏ အခြေအနေမှာ ၂၀၂၀ ခုနှစ် ဖေဖော်ဝါရီလ (၁၂)ရက်နေ့မှ ဖေဖော်ဝါရီလ(၁၄)ရက်နေ့အထိ နှစ်ရက်တာအတွင်း ကူးစက်ခံရသူ (၂၀,၀၀၀)နီးပါး တိုးလာကြောင်း သိရသည်။

 နိုင်ငံပေါင်း (၂၅)နိုင်ငံအထိ ကိုရိုနာဗိုင်းရပ်စ်( Coronavirus COVID-19 (2019-nCoV) )ကူးစက်ခံရသည့် ဖေဖော်ဝါရီလ(၁၂)ရက်နေ့က အရေအတွက်မှာ စုစုပေါင်း (၄၅,၁၁၉)ဦးရှိပြီး သေဆုံးသူမှာ (၁,၁၁၅)ဦးရှိရာ ဖေဖော်ဝါရီလ(၁၄)ရက်နေ့ အထိ ကူးစက်ခံရသူ စုစုပေါင်း (၆၄,၄၃၄)ဦးရှိလာပြီး သေဆုံးသူမှာ (၁,၃၈၃)ဦးရှိရာ နှစ်ရက်တာအတွင်း ကူးစက်ခံရသူ (၁၉,၃၁၅)ဦး တိုးလာပြီး သေဆုံးသူမှာလည်း နှစ်ရက်အတွင်း (၂၆၈)ဦး တိုးလာကြောင်း သိရသည်။
 
အဆိုပါ နှစ်ရက်အတွင်းမှာ ဖေဖော်ဝါရီလ(၁၂)ရက်နေ့အထိ သက်သာပျောက်ကင်းသူ စုစုပေါင်း (၄,၇၈၁)ဦး ရှိပြီး ဖေဖော်ဝါရီလ(၁၄)ရက်နေ့ အထိ (၅,၉၄၅)ဦးရှိရာ သက်သာပျောက်ကင်းသူ (၁,၁၆၄)ဦး တိုးလာကြောင်း သိရသည်။

ကိုရိုနာဗိုင်းရပ်စ်( Coronavirus COVID-19 (2019-nCoV) ) သည် ၂၀၂၀ခုနှစ် ဇန်နဝါရီလ(၂၆)ရက်နေ့အထိ ကူးစက်ခံရသူ (၂၀၀၀)ကျော်သာရှိသော်လည်း ဖေဖော်ဝါရီလ(၁၄)ရက်နေ့တွင် ကူးစက်ခံရသူ စုစုပေါင်း (၆၄,၄၃၄)ဦး ရှိလာသည်။

ကိုရိုနာဗိုင်းရပ်စ်( Coronavirus COVID-19 (2019-nCoV) ) နှင့် ပတ်သက်၍ ၂၀၂၀ ခုနှစ်၊ ဇန်နဝါရီလ (၃၀)ရက်နေ့က ကမ္ဘာ့ကျန်းမာရေးအဖွဲ့ (WHO)မှ ကမ္ဘာလုံးဆိုင်ရာ အရေးပေါ်အခြေအနေအဖြစ် ကြေညာထားရှိသည်။

Tachileik News Agency