အသက်(၇၇)နှစ်အရွယ်ရှိ ဘောလီးဝုဒ်မင်းသားကြီး အမီတာဘဂျမ်းသည် Covid-19 ကူးစက်ခံရ၍ ဆေးရုံတွင် ကုသမှု ခံယူနေကြောင်း မင်းသားကြီး အမီတာဘဂျမ်းက ၎င်း၏ လူမှုကွန်ယက်စာမျက်နှာတွင် ၂၀၂၀ခုနှစ် ဇူလိုင်လ(၁၁) ည(၁၁)နာရီကျော်က အသိပေးထားရှိသည်။
အမီတာဘဂျမ်း၏ မိသားစုများနှင့် ၎င်းနှင့် ထိတွေ့မှုရှိသူများကိုလည်း ဓါတ်ခွဲနမူနာများ ရယူစစ်ဆေးထားပြီး ဓါတ်ခွဲအဖြေကိုလည်း စောင့်ဆိုင်းနေလျက်ရှိကြောင်း သိရသည်။
တဆက်တည်းမှာပင် အမီတာဘဂျမ်းက ၎င်းနှင့် (၁၀)ရက်အတွင်း အတူရှိခဲ့သူများ အနီးကပ်ရှိခဲ့သူများအနေဖြင့်လည်း Covid-19 ရောဂါကူးစက်ခံထားရခြင်း ရှိမရှိကို သိရှိနိုင်ရန်အတွက် စစ်ဆေးကြရန် တိုက်တွန်းထားရှိသည်။
အိန္ဒိယနိုင်ငံတွင် ၂၀၂၀ခုနှစ် ဇူလိုင်လ(၁၁)ရက်နေ့ ည(၁၁)နာရီ (၅၅)မိနစ်အချိန်အထိ Covid-19 ကူးစက်ခံရသူ (၈၂၀,၉၁၆)ဦးရှိနေပြီး (၂၂,၁၂၃)ဦးမှာ သေဆုံးသူများ ဖြစ်ကြောင်း သိရသည်။
Tachileik News Agency
Source: Amitabh Bachchan
![သေဆုံးသွားသည့် ရဲ(၃)ဦး နှင့် တရားခံပုံ [ Photo: nypost.com ]](https://www.tachileik.net/sites/tachileik.net/files/styles/related_news/public/news-images/clipboard_image_976e2caf1c2872a8.png?itok=jC40Rbkn)
