“သူတို့ဘက်က (၂၂)ယောက်အဖွဲ့လာမယ်ဆိုတော့ ဒီဘက် ဆွေးနွေးမယ့်အဖွဲ့ကိုလည်း ကုန်သည်လုပ်ငန်းရှင်များ အပါအဝင် အယောက် (၃၀)ပဲ လက်ခံမှာဆိုတော့ လူဦးရေတော့ ကန့်သတ်ထားပါတယ်။ စိတ်ဝင်စားတယ် တက်ရောက်လိုတယ်ဆိုရင် ဆက်သွယ်စာရင်းပေးထားကြပါ။ ဦးရာလူစနစ်နဲ့ ကျမတို့ စာရင်းယူသွားပါမယ်”ဟု တာချီလိတ်နယ်စပ်ကုန်သည်အသင်းမှ ဒေါ်ရွှေစင်ထွန်းက တာချီလိတ်သတင်းအေဂျင်စီသို့ ပြောသည်။

ထိုင်းနိုင်ငံက ဘဏ်လုပ်ငန်းစနစ်များနှင့်ပတ်သက်၍ နယ်စပ်ဒေသ တာချီလိတ်မှ လုပ်ငန်းရှင်များ ဆက်သွယ်လုပ်ကိုင်နေရသည့် အခြေအနေများအား တာချီလိတ်မြို့ရှိ ရွှေနန်းတော်ကုန်တိုက်တွင် လာရောက်တွေ့ဆုံ ဆွေးနွေးမည်ဖြစ်သည်။

တာချီလိတ်မှ ထိုင်းဘဏ်များနှင့် ဆက်သွယ်လုပ်ကိုင်နေသူများအနေဖြင့် ဆွေးနွေးပွဲ တက်ရောက်လိုပါက အမည်၊ အလုပ်အကိုင်နှင့်တကွ တာချီလိတ်နယ်စပ်ကုန်သည်အသင်း ဖုန်း 09250474144 သို့ ဆက်သွယ်စာရင်းပေးသွင်းနိုင်ကြမည်ဖြစ်သည်။

Tachileik News Agency