~~~~~~~~⊰❂ unicode ❂⊱~~~~~~~~

ရဲတပ်ဖွဲ့နှင့် လူငယ်အဖွဲ့တို့က ၂၀၁၈ ခုနှစ်၊ သြဂုတ်လ (၃၁)ရက်နေ့ နေ့လယ်(၁)နာရီခွဲအချိန်တွင် နမ္မတူမြို့၊ အမှတ် (၈)ရပ်ကွက်ရှိ သင်္ချိုင်းဟောင်းတစ်ခုအတွင်း ဝင်ရောက်ရှာဖွေရာ ဘိန်းဖြူနှင့် စိတ်ကြွဆေးပြား ဖြန့်ဖြူးရောင်းချသူ (၁)ဦးနှင့် မူးယစ်ဆေးဝါးသုံးစွဲရန် ရောက်ရှိနေသည့် အမျိုးသား(၂)ဦးတို့ကို ဖမ်းဆီးရမိခြင်းဖြစ်ကြောင်း သိရသည်။

“ရပ်ကွက် (၈) က သင်္ချိုင်းဟောင်းနေရာမှာ အဲဒီလိုကျော်ဇောမှုရှိတဲ့အတွက် မူးယစ်ဆေးဝါးဆန့်ကျင်သူ တက်ကြွလူငယ်အဖွဲ့နဲ့ ရဲတပ်ဖွဲ့ပူးပေါင်းပြီးတော့ ဝင်စီးတာဖြစ်ပါတယ်။ ဘိန်းဖြူက ဆပ်ပြာခွက် (၅) ခွက်နဲ့ တစ်ဝက်လောက်ရတယ်။ ဆေးပြားက ( ၃၉၀ ) လောက်ရတယ်။ လူက သုံးဦးမိတယ်” ဟု နမ္မတူမြို့ မြို့မရဲတပ်ဖွဲ့မှ ရဲအုပ် ရဲမြင့်အောင်က တာချီလိတ်သတင်းအေဂျင်စီသို့ ပြောသည်။

အဆိုပါ ပူးပေါင်းအဖွဲ့က စက်တင်ဘာလ (၁ ) ရက်နေ့ နံနက်ပိုင်းတွင်လည်း နမ္မတူမြို့ အမှတ်(၁)ရပ်ကွက် ( စတလ ၁ ရပ်ကွက်) သဲကွင်းနေရာအား ဝင်ရောက် ရှာဖွေရာတွင် စိတ်ကြွဆေးပြား ( ၁၃၅ )ပြား၊ ဘိန်းဖြူ (၄) ဂရမ်နှင့် အမျိုးသား (၂)ဦးကို ဖမ်းဆီး ရမိခဲ့ကြောင်း သိရသည်။

ဖမ်းဆီးရမိသူများအား သက်ဆိုင်ရာရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာ ဥပဒေပုဒ်မများဖြင့် ဖမ်းဆီးအမှုဖွင့်အရေးယူထားကြောင်း သိရသည်။

သတင်း - နဖြေိုးမြင့်