ချင်းဆဲန်ဒေသတွင် အဆိုပါမသင်္ကာဖွယ်မော်တော်ယာဉ်ကို နံနက် (၄)နာရီဝန်းကျင်က တွေ့ရသဖြင့် နယ်မြေခံတပ်က လမ်းတလျှောက် စစ်ဆေးရေးဂိတ်များက ချိတ်ဆက်ပြီး အသင့်စောင့်ဆိုင်းနေခဲ့ကြခြင်း ဖြစ်ကြောင်း သိရသည်။

မသင်္ကာဖွယ်မော်တော်ယာဉ် စတင်တွေ့ရသည့် စစ်ဆေးရေးဂိတ်တွင် ယာဉ်အား ရပ်တန့်ရန် အချက်ပြသည်ကို မရပ်ဘဲ မောင်းနှင်ထွက်ပြေးသွားခဲ့ရာ ဒုတိယမြောက် စစ်ဆေးရေးဂိတ်ရောက်သည့်အချိန်တွင် ကားတာယာအားပစ်၍ ဖမ်းဆီးလိုက်ခြင်းဖြစ်ကြောင်း သိရသည်။

ဘန်ကောက်လိုင်စင်နံပါတ်ပြား တပ်ဆင်ထားသည့် မော်တော်ယာဉ်ပေါ်မှ ပလတ်စတစ်အိတ်များဖြင့် ထည့်ထားသည့် စိတ်ကြွရူးသွပ်ဆေးပြား (၃၀၃၆၀၀၀)ပြားနှင့် အိုက်စ် (၄၀)ကီလိုတို့ကို ယာဉ်မောင်းနှင့်အတူ ဖမ်းမိခဲ့ခြင်းဖြစ်ကြောင်း သိရသည်။

အဆိုပါ ဖမ်းဆီးရမိမှုနှင့်ပတ်သက်၍ တပ်မတော်ဘက်မှ သတင်းစာရှင်းလင်းပွဲကို နံနက် (၁၁)နာရီတွင် စတင်လုပ်ဆောင်နေခြင်းဖြစ်သည်။

Tachileik News Agency
Ref: 77kaoded