ထိုင်းနိုင်ငံဘက်က လွှဲပြောင်းပေးလာတဲ့ ပြစ်ဒဏ်စေ့ မြန်မာနိုင်ငံသားများကို ငွေကြေးထောက်ပံ့နိုင်ရန် စီစဉ်

ရှမ်းပြည်နယ်အရှေ့ပိုင်း တာချီလိတ်မြို့မှာရှိတဲ့  မိုးကုတ်ဝိပသနာတရားရိပ်သာမှ ထိုင်းနိုင်ငံကနေ ပြစ်ဒဏ်စေ့ပြီး ရောက်လာလို့  Quarantine ထားရှိသူ မြန်မာနိုင်ငံသား (၁၁၁) ဦးကို မြန်မာနိုင်ငံကြက်ခြေနီအသင်းက တစ်ကိုယ်ရည်သုံးပစ္စည်းတွေကို ၂၀၂၀ ခုနှစ် သြဂုတ်လ (၁၅) ရက်နေ့ နံနက်ပိုင်းက ထောက်ပံ့ပေးအပ်ခဲ့ပြီး ဆက်လက်ပြီးတောာ့ ငွေကြေး  ထောက်ပံ့မှုတွေ လုပ်ဆောင်ဖို့ စီစဉ်နေပါတယ်။

ထိုင်းနိုင်ငံမှာ အကြောင်းအမျိုးမျိုးကြောင့် ဖမ်းဆီးခံရပြီး သတ်မှတ်ပြစ်ဒဏ်စေ့သွားတဲ့ မြန်မာနိုင်ငံသားတွေကို တာချီလိတ်မြို့ကို ပြန်လည်လွှဲပြောင်းပေးအပ်ရာမှာ မိုးကုတ်ဝိပဿနာရိပ်သာမှာ Quarantine  ထားရှိပြီး COVID-19 ပိုးကင်းရှင်းကြောင်းအဖြေထွက်မှသာ သက်ဆိုင်ရာနေရပ်ဒေသ အသီးသီးကို ပြန်လည်ပို့ဆောင်ပေးနေတာဖြစ်ပါတယ်။