ဇီးကုန်းမြို့တွင် အရက်ထိုင်သောက်နေသည့် ရဲတပ်ကြပ်တစ်ဦး ပစ်ခတ်ခံရပြီးသေဆုံး
စစ်ကိုင်းတိုင်း ကန့်ဘလူမြို့နယ် ဇီးကုန်းမြို့ပေါ်တွင် အရက်ထိုင်သောက်နေသည့် ရဲတပ်ကြပ်တစ်ဦးကို တော်လှန်ရေးတပ်က ပစ်ခတ်ရာ သေဆုံးကြောင်း သိရသည်။
၂၀၂၄ခုနှစ် အောက်တိုဘာလ (၈)ရက်နေ့က ဇီးကုန်းမြို့ရှိ အရက်ဆိုင်၌ အရက်ထိုင်သောက်နေသော ရဲတပ်ကြပ် ချင်းလေး(ခ)ခွါကြီး(ခ)ရန်ရှင်းခွါတို့အဖွဲ့အား တော်လှန်ရေးအဖွဲ့များက ဝင်ရောက်ပစ်ခတ်ရာ ရဲတပ်ကြပ် ရန်ရှင်းခွာ သေဆုံးခဲ့ခြင်းဖြစ်ကြောင်း ကျွန်းလှ-ကန့်ဘလူ တက်ကြွလှုပ်ရှားသူများအဖွဲ့ထံမှ သိရသည်။
ပစ်ခတ်ခံရသည့် အရက်ဆိုင်မှာ ဇီးကုန်းမြို့လယ်ခေါင်တွင်ဖြစ်ပြီး သေဆုံးသွားသည့် တပ်ကြပ် ရန်ရှင်းခွါမှာ ဗိုက်ပွင့်ထွက် ဒဏ်ရာဖြင့် သေဆုံးသွားခြင်းဖြစ်ကြောင်း သိရသည်။
ပစ်ခတ်မှုကို KBU-တောလေး ပကဖခရိုင်လှုပ်ရှားအဖွဲ့နှင့် တော်လှန်ရေးညီနောင်များပူးပေါင်း၍ ပစ်ခတ်ခဲ့ခြင်း ဖြစ်ကြောင်း သိရသည်။
#TachileikNewsAgency
Photo:
