ရှမ်းပြည်နယ်(မြောက်ပိုင်း)၊ နမ့်ဆန်မြို့နယ်၊ နမ့်ခေးကျေးရွာရှိ အာဏာသိမ်းစစ်ကောင်စီတပ်စခန်းမှ တပ်သား(၄)ဦး ထွက် ပြေးလွတ်မြောက်လာကြောင်း သိရသည်။
အာဏာသိမ်းကောင်စီတပ်ရင်း(၂၅၂)မှ တပ်သား(၄)ဦးသည် ၂၀၂၂ ခုနှစ်၊ ဧပြီလ(၄)ရက်နေ့က ထွက်ပြေးလာခဲ့ကြခြင်းဖြစ်ပြီး လက်ရှိတွင် လွတ်မြောက်နယ်မြေသို့ ရောက်နေပြီဖြစ်ကြောင်း သိရသည်။
ထွက်ပြေးလွတ်မြောက်လာသည့် တစ်ဦးက “အထဲမှာက နေရတာက ကြမ်းတယ်။ ဖိနှိပ်ခံရတယ်။ အပြစ်မရှိလည်း အပြစ်ရှာပြီး ပါးတွေရိုက်တာပဲ။ ကျွန်တော်တို့မှာ ဘာမှပြောပိုင်ခွင့် မရှိဘူး။ လစာက ပုံမှန် ၁ သိန်း ၆ သောင်း ပေးတယ်လို့ ပြောတယ်။ ဒါပေမဲ့ တစ်လတစ်လေမှ တစ်သိန်းကျော်ရတာ။ အဲဒါကြောင့် ကျွန်တော်တို့ တိုင်ပင်ပြီး ပြေးကြတာ”ဟု ရွှေဖီမြေသတင်းဌာနကို ဖြေကြားထားသည်ကို တွေ့ရသည်။
၎င်းတပ်သား(၄)ဦးမှာ လုပ်သက်တစ်နှစ်ရှိသူများဖြစ်ပြီး နည်းအမျိုးမျိုးဖြင့် စုဆောင်းခံရသူများဖြစ်ကြကြောင်း သိရသည်။
နမ့်ခေးရွာရှိ စစ်ကောင်စီတပ်စခန်းမှ တပ်သားများ မကြာခဏထွက်ပြေးလေ့ရှိပြီး လက်ရှိတွင် ထွက်ပြေးလာသည့် တပ်သား (၄)ဦးမှာ လုံခြုံသည့်နေရာကို ရောက်ရှိနေပြီဖြစ်ကြောင်း သ်ိရသည်။
[ ဖော်ပြပါ သတင်းသည် Shwe Phee Myay News Agency ၏ သတင်းဖြစ်ပြီး Tachileik News Agency နှင့် Shwe Phee Myay News Agency
တို့သည် ရှမ်းပြည်နယ်သတင်းမီဒီယာများမဟာမိတ်အဖွဲ့ (MASS)၏ အဖွဲ့ဝင် မဟာမိတ်သတင်းဌာနများ ဖြစ်သည်။ ]
#TachileikNewsAgency
