တာချီလိတ်၊ ရွှေမြေသာယာ(လားဟူ)ဈေးအနီးရှိ ကြီးမြတ်သောရွှေမြင်း(King Horse Fly Pub 6888)ကလပ်တွင် ယနေ့ ၂၀၂၁ခုနှစ် ဇွန်လ(၆)ရက်နေ့ ည(၈)နာရီခွဲကျော်အချိန်က ဗုံးပေါက်ကွဲမှု ဖြစ်ပွားပြီး အတွင်းမှန်အထိ ဗုံးစထိမှန်ကြောင်း သိရသည်။
တာချီလိတ်မြို့တွင် ညမထွက်ရအမိန့်ထုတ်ပြန်ထားသော်လည်း ဒေသအုပ်ချုပ်ရေးများ၏ ခွင့်ပြုချက်ဖြင့် ဖွင့်လှစ်ခွင့်ရရှိထားသည့် KTV နှင့် Club များထဲက ကြီးမြတ်သောရွှေမြင်း(King Horse Fly Pub 6888)ကလပ်၏ ဝင်ပေါက်တွင် ယနေ့ ၂၀၂၁ခုနှစ် ဇွန်လ(၆)ရက်နေ့ ည(၈)နာရီခွဲကျော်အချိန်က ဗုံးပေါက်ကွဲမှု ဖြစ်ပွားကြောင်း သိရသည်။
"ပေါက်ပြန်ပြီ ရွှေမြင်းကလပ်မှာ (၂)ချက်တောင် အကျယ်ကြီးပဲ၊ အဝင်ပေါက်နားမှာ ဖြစ်တာ အငွေ့တောင်ထွက်တယ်။ ရဲတွေတော့ ခုထိ မလာသေးဘူး။"ဟု အနီးဝန်းကျင်ရှိ အမျိုးသားတစ်ဦးက တာချီလိတ်သတင်းအေဂျင်စီသို့ ပြောသည်။
ကြီးမြတ်သောရွှေမြင်း(King Horse Fly Pub 6888)ကလပ်၏ ဧရိယာအတွင်း ပြီးခဲ့သည့် မေလ(၂၅)ရက်နေ့ ည(၉)နာရီ မထိုးမီအချိန်ကလည်း ပေါက်ကွဲမှု ဖြစ်ပွားခဲ့ကြောင်း သိရသည်။
