ရှမ်းပြည်နယ်(အရှေ့ပိုင်း) တာချီလိတ်မြို့ရှိ နိုင်ငံတကာအဆင့်မှီ မူလတန်းနှင့်အထက်တန်းကျောင်း ( NIEC ) မိသားစုက လူမှုကူညီရေး လုပ်ငန်းအဖြစ် တာချီလိတ်ပြည်သူ့ ဆေးရုံကြီးရှိ ဆေးရုံတက် လူနာများအား ကြက်ဆီထမင်းနှင့် ရေသန့်ဗူးများကို ၂၀၁၈ ခုနှစ်၊ အောက်တိုဘာလ (၈)ရက်နေ့ နံနက်က လှူဒါန်းကြပြီး အောက်တိုဘာလ(၉)ရက်နေ့တွင်  ဘိုးဘွားရိပ်သာနှင့် လူငယ်ပရဟိတ ဂေဟာတို့တွင် လှူဒါန်းကြမည်ဖြစ်ကြောင်း သိရသည်။

တာချီလိတ် NIEC မိသားစုက ၂၀၁၇ - ၂၀၁၈ ပညာသင်နှစ်တွင် Halloween ပွဲတော်နှင့် ပန်းချီပြပွဲတို့မှ ရရှိသည့် ရန်ပုံငွေဖြင့် လူမှုကူညီရေး လုပ်ငန်းများကို လုပ်ဆောင်နေခြင်းဖြစ်ကြောင်း သိရသည်။

NIEC မှ ကျောင်းသား၊ ကျောင်းသူ (၇၂)ဦးသည် ကျောင်းမှ ဆရာ၊ဆရာမများ၊ အုပ်ချုပ်သူများ ပါဝင်သည့် အဖွဲ့ဖြင့် တာချီလိတ်ပြည်သူ့ဆေးရုံကြီးရှိ ဆေးရုံတက်လူနာ (၁၄၀)အား လာရောက်လှူဒါန်းရာ ဆေးရုံမှ တာဝန်ရှိသူများက ကူညီဆောင်ရွက်ပေးကြသည်ကို တွေ့ရသည်။

တာချီလိတ် NIEC မိသားစုက အောက်တိုဘာလ (၉)ရက်နေ့တွင် ဘိုးဘွားရိပ်သာ၌ တစ်နေ့စာ ထမင်းကျွေးခြင်းနှင့် ဆန်၊ဆီ၊ဟင်းချက်စရာ စသည်တို့ လှူဒါန်းခြင်း၊ လူငယ်ပရဟိတဂေဟာတွင် ဆန်၊ဆီ၊ဟင်းချက်စရာများ လှူဒါန်းခြင်းတို့ ပြုလုပ်သွားမည်ဖြစ်ကြောင်း သိရသည်။

Tachileik News Agency
ဓါတ်ပုံ - Tachileik News Agency , NIEC

⊰❂ #TachileikNewsAgency #TNA #TachileikOnlineNews  #တာချီလိတ်သတင်းအေဂျင်စီ www.tachileik.net  ❂⊱

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~

~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~