~~~~~~~~⊰❂ unicode ❂⊱~~~~~~~~

ကယားပြည်နယ်ရှိ ဟိုဂျစ် - တောင်လှကျေးရွာချင်းဆက်မြေသားလမ်း(၅)မိုင်ကို ကျပ် (၃၇၇)သန်းကျော်ဖြင့် တည်ဆောက်နေ
*********
ကယားပြည်နယ်၊ ဘောလခဲခရိုင်၊ မယ်စဲ့မြို့နယ်တွင် ဟိုဂျစ်-တောင်လှကျေးရွာချင်းဆက်လမ်းအရှည် (၅)မိုင် မြေသားလမ်းနှင့် ကွန်ကရစ်တံတား၊ Box Culvert များတည်ဆောက်ခြင်းကို ပြည်ထောင်စုရန်ပုံငွေ ကျပ် (၃၇၇) ဒသမ (၂၉၆) သန်းဖြင့် ကယားဌာနေကုမ္ပဏီက ၂၀၁၈ ခုနှစ် နိုဝင်ဘာလအတွင်း တည်ဆောက်နေကြောင်း သိရသည်။

နယ်စပ်ရေးရာဝန်ကြီးဌာန နတလဦးစီးဌာန၏ ၂၀၁၈ -၂၀၁၉ ဘဏ္ဍာနှစ် ပြည်ထောင်စုခွင့်ပြုရန်ပုံငွေဖြင့် အရှည်(၁၀/ ၄)မိုင်ရှိသည့်အနက် အရှည် (၅) မိုင်မြေသားလမ်းဖောက်လုပ်ခြင်း၊ လမ်းပေါ်ရှိပေ (၃၀) အကျယ် ကွန်ကရစ်တံတား (၂) စင်းနှင့် Box Culvert (၉)စင်း တည်ဆောက်ခြင်းလုပ်ငန်းများကို တင်ဒါအောင် ကုမ္ပဏီဖြစ်သည့် ကယားဌာနေကုမ္ပဏီမှ တာဝန်ယူဆောင်ရွက်နေခြင်းဖြစ်ကြောင်းသိရသည်။
အဆိုပါလမ်းပိုင်းလုပ်ငန်းများအား ၂၀၁၈ ခုနှစ်၊ နိုဝင်ဘာလ (၁၅)ရက်နေ့က စတင်ဆောင်ရွက်နေခြင်းဖြစ်ကြောင်း သိရသည်။

တောင်လှကျေးရွာကို ၂၀၁၇ ခုနှစ် ဒီဇင်ဘာ(၂၀)ရက်နေ့တွင် ပြည်ထဲရေးဝန်ကြီးဌာန၏ အမိန့်ကြော်ငြာစာ အမှတ် (၁၇၉၈/ ၂၀၁၇) အရ ပြည်ထဲရေးအမည်ပေါက်ကျေးရွာအဖြစ် သတ်မှတ်ခဲ့ပြီးနောက် လမ်းမကြီးနှင့် ဆက်သွယ်နိုင်ရန် ကျေးရွာချင်းဆက်လမ်းအဖြစ် ဟိုဂျစ် - တောင်လှကျေးရွာလမ်းကို ဖေါက်လုပ်နေခြင်းဖြစ်ကြောင်း သိရသည်။

ယခင်က အဆိုပါကျေးရွာတွင် ရေလမ်းတစ်ခုသာရှိပြီး ဖားဆောင်းမြို့မှတစ်ဆင့် သံလွင်မြစ်အတိုင်း စက်လှေဖြင့် သုံးနာရီခန့်သွားရကြောင်း သိရသည်။

အိမ်ခြေ (၁၅၈) လုံး၊ လူဦးရေ (၈၀၇) ဦးရှိပြီး ဟိုဂျစ်၊ ဟိုဖနှင့် လယ်တောကျေးရွာ (၃) ရွာပါဝင်သည့် ဟိုဂျစ်ကျေးရွာအုပ်စုတွင် ကျေးရွာချင်းဆက် မြေသားလမ်းခင်းရန်အတွက် ၂၀၁၈-၁၉ ဘဏ္ဍာရေးနှစ်၊ ဒုတိယ (၁၂) လတွင် ငွေကျပ် (၄၈၃.၉၉၀) သန်းဖြင့် ဆောင်ရွက်မည်ဖြစ်ကြောင်း သိရသည်။

Tachileik News Agency
ဓါတ်ပုံ - ပြည်နယ်အစိုးရအဖွဲ့