အင်အားပြင်းငလျင်လှုပ်ခတ်မှုကြောင့် ထိခိုက်သေဆုံးသူအရေအတွက်များလာခြင်းကြောင့် မန္တလေးမြို့တွင် ဆရာဝန်(၆၀)ဦး စုစည်း၍ အခမဲ့ဆေးခန်းဖွင့်လှစ်ပေးရန် စီစဉ်နေသည်ဟု သိရသည်။
“လောလောဆယ်က teleclinic အွန်လိုင်းဆေးခန်းအနေနဲ့စတာပါ။ မြေပြင်မှာ မိုဘိုင်းဆေးခန်းတွေအနေနဲ့ဆက်လုပ်နိုင်အောင် ကြိုးစားသွားဖို့လည်းရှိပါတယ်။ အခုစဖွင့်နေပါပြီဗျ။ လူနာ (၅၀) ကျော်ကို ဝန်ဆောင်မှုစပေးနေပါ ပြီ။”ဟု အခမဲ့ ပြည်သူ့ ဆေးခန်း - FOC Teleclinic မှ ဆရာဝန်တစ်ဦးက Tachileik News Agency ကိုပြောသည်။
ငလျင်ဒဏ်ကြောင့် ထိခိုက်ရသူအရေအတွက်များလာပြီး မန္တလေးဆေးရုံကြီးတွင် လူနာအရေအတွက် တိုးလာသဖြင့် အခမဲ့ ပြည်သူ့ဆေးခန်း - FOC Teleclinic က စေတနာ့ဝန်ထမ်း ဆရာဝန်(၆၀)ကျော်ကိုစုစည်းထားပြီး နံနက်(၈)နာရီမှ ည(၁၂)နာရီအထိ ကျန်မာရေးဝန်ဆောင်မှုပေးရန် စီစဉ်နေသည်ဟု ဆိုသည်။
ကျန်းမာရေးစောင့်ရှောက်မှုလိုအပ်နေသူများအနေဖြင့် အောက်ဖော်ပြပါ QR Codeကို Scanဖတ်၍ အခမဲ့ ပြည်သူ့ဆေးခန်း - FOC Teleclinic၏ Chatbot သို့တိုက်ရိုက်ရောက်ရှိသွားမည်ဖြစ်ပြီး Chatbot မှတဆင့် ဆရာဝန်များနှင့်ချိတ်ဆက်ကာ ကျန်းမာရေးဝန်ဆောင်မှုရယူနိုင်သည်ဟုဆိုသည်။
လက်ရှိ အချိန်အထိနောက်ဆုံးကောက်ယူရရှိသော စာရင်းများအရ တစ်နိုင်ငံလုံးအတိုင်းအတာဖြင့် ငလျင်ဒဏ်သင့်ခဲ့ရသည့် ဒေသများအားလုံး၌ သေဆုံးခဲ့ရသူ (၁၀၀၂)ဦး၊ ဒဏ်ရာရသူ (၂၃၇၆)ဦးနှင့် ပျောက်ဆုံးနေသူ(၃၀)ဦးရှိ သည်ဟု စစ်ကောင်စီက ယနေ့ ၂၀၂၅ခုနှစ် မတ်လ(၂၉)ရက်နေ့ နေ့လယ်ပိုင်းတွင် ထုတ်ပြန်ထားသည်။
#TachileikNewsAgency
Photo:အခမဲ့ပြည်သူ့ဆေးခန်း
