ထိုင်း-မြန်မာ နယ်စပ် ကရင်ပြည်နယ် လှိုင်းဘွဲ့မြို့နယ်အတွင်းရှိ စစ်ကောင်စီတပ်၏ ပူလူတူစခန်းကို KNLA တပ်မဟာ (၇)ဦးဆောင်သည့် ပူးပေါင်းတပ်ဖွဲ့များက တိုက်ခိုက်သိမ်းပိုက်ပြီး စစ်ကောင်စီ တပ်ဖွဲ့သားများသည် ထိုင်းနိုင်ငံသို့ ထွက်ပြေးသွားကြောင်း သိရသည်။

ပူလူတူစခန်းကို KNLA တပ်မဟာ (၇)ဦးဆောင်သည့် ပူးပေါင်းတပ်ဖွဲ့များက ၂၀၂၅ ခုနှစ် ဖေဖော်ဝါရီလ (၂၇)ရက်နေ့မှ စတင်ကာ နေ့စဥ် ထိုးစစ်ဆင် တိုက်ခိုက်နေခြင်းဖြစ်ပြီး ယနေ့ မတ်လ (၁၄)ရက်နေ့ နံနက်ပိုင်းတွင် စခန်းသိမ်းနိုင်ခဲ့သည်ဟု ထိုင်းသတင်းဌာနများက ဖော်ပြသည်။

စစ်ကောင်စီတပ်ဘက်က စခန်းမကျရေးအတွင်း အပြင်းအထန် ခုခံကာကွယ်ခဲ့သော်လည်း KNLA တပ်မဟာ (၇) ဦးဆောင်သည့် ပူးပေါင်းတပ်ဖွဲ့များက ပူလူးတူစခန်းကို အောင်မြင်စွာ သိမ်းပိုက်နိုင်ခဲ့ခြင်းဖြစ်သည်ဟု ဆိုသည်။

တိုက်ပွဲအတွင်း စစ်ကောင်စီ တပ်ဖွဲ့ဝင်အများအပြားသေဆုံးပြီး အချို့စစ်သားများမှာ ထိုင်းနိုင်ငံဘက်သို့ ထွက်ပြေးသွားခဲ့သည်ဟု သိရသည်။ 

တိုက်ပွဲကြောင့် ဒေသခံ(၅၀၀)ကျော် ထိုင်းနိုင်ငံအတွင်းသို့ ထွက်ပြေးတိမ်းရှောင်နေရပြီး ထိုင်းဘက်ခြမ်းတွင်လည်း ထိုင်းနယ်ခြားစောင့်တပ်ဖွဲ့က လုံခြုံရေးချထားပြီး စောင့်ကြည့်နေကြောင်း သိရသည်။

#TachileikNewsAgency

Photo:แม่สอด มีเดีย-Mae Sot Media