ရှမ်းပြည်နယ်အရှေ့ပိုင်း၊ ကျိုင်းတုံမြို့နယ်အတွင်း ဘက်ဟိုးဖြင့် သစ်မြစ်သစ်ကိုင်း ကော်ယူနေစဉ် မတော်တဆဖြစ်ကာ ယာဉ်မောင်းမှာ နေရာ၌ပင် သေဆုံးသွားကြောင်း သိရသည်။
ကျိုင်းတုံမြို့နယ်၊ ယန်းခကျေးရွာအုပ်စုအတွင်း နောင်ယန်းကျေးရွာအနီးတွင် ယနေ့ ၂၀၂၅ခုနှစ် ဖေဖော်ဝါရီလ(၁၀)ရက်နေ့ မွန်းလွဲပိုင်းအချိန်က အမျိုးသားတစ်ဦးသည် ဘက်ဟိုးမောင်းပြီး သစ်မြစ် သစ်ကိုင်းများကို ကုတ်ကော်ယူစဉ် သစ်ကိုင်းက အရှိန်ဖြင့် မှန်ကိုထိမှန်ပြီး လူကိုပါ ဆက်လက်ထိမှန်သည့်အတွက် သေဆုံးသွားခြင်း ဖြစ်သည်ဟု သိရသည်။
" သစ်မြစ်သစ်ကိုင်း ကော်ရင်းနဲ့ မှန်ကို လာရိုက်ရင်းကနေ လူကိုထိပြီး သေဆုံးသွားတာလို့ သိရတယ်။ မှန်စက နှလုံးကို တိုက်ရိုက်ထိသွားတာလားတော့မသိဘူး။ တကယ် စိတ်မကောင်းမိတယ်ဗျာ"ဟု ဒေသခံ တစ်ဦးက Tachileik News Agency သို့ ပြောသည်။
အဆိုပါနေရာကို သက်ဆိုင်ရာက လာရောက် စစ်ဆေးပြီးနောက် ကျိုင်းတုံ တိုင်းနေနာရေးကူညီမှုအသင်းက သေဆုံးသူ၏ ရုပ်အလောင်းက သယ်ဆောင်ကာ ကျိုင်းတုံဆေးရုံရှိ ရင်ခွဲရုံသို့ပို့ဆောင်ပေးထားကြောင်းသိရသည်။
