အဆိုတော် မာရဇ္ဇသည် ကျောက်ကပ်ရောဂါဖြင့် ၂၀၂၅ခုနှစ် ဇန်နဝါရီလ (၂၃)ရက်နေ့ ညပိုင်းက ဗဟိုစည်ဆေးရုံတွင် ကွယ်လွန်သွားသည်ဟု သူ၏မိတ်ဆွေများထံမှ သိရသည်။
အဆိုတော် မာရဇ္ဇ ကွယ်လွန်သွားခြင်းကို ဂစ်တာပညာရှင် ကိုနိုင်ဇော်ကလည်း ဝမ်းနည်းကြောင်း လူမှုကွန်ယက် စာမျက်နှာတွင် ရေးသားထားသည်။
"ကျနော့်ရဲ့ juke box Band နဲ့ လက်တွဲခဲ့တဲ့ အဆိုကျော်(ကို) မာရဇ္ဇ မနေ့ညက ကွယ်လွန်သွားတယ် သိရလို့ မိသားစုနဲ့ထပ်တူကြေကွဲရပါတယ်။" ဟု ကိုနိုင်ဇော်က ရေးသားထားသည်။
နာမည်ကြီး အမျိုးသားအဆိုတော် တေးရေးဆရာ မာရဇ္ဇသည် ကော်ပီသီချင်းခေတ်တွင် ကိုယ်ပိုင်သံစဉ်များကိုသာ သီဆိုခဲ့သူတစ်ဦးဖြစ်သည်။
"ညက ဗဟိုစည် ဆေးရုံမှာ ဆုံးတာ။"ဟု မာရဇ္ဇ၏ မိတ်ဆွေတစ်ဦးက Tachileik News Agency ကိုပြောသည်။
သူသည် ဂမ္ဘီရမိုးကြိုး၊ မိစ္ဆာအတွက်ကရုဏာ၊ မျှော်လင့်ခြင်းလမင်း၊ ပုံရိပ်မဲ့ဂရပ်ဖစ်၊ ရွှေရောင်ကောင်းကင်၊ အချစ်ငတ်သားကောင်၊ ရွှေရတီ(၂၀၀၂)၊ သေချာပါတယ် စသည့်တေးစုများကို ထုတ်ဝေခဲ့ပြီး လူကြိုက်များ အောင်မြင်ခဲ့သည့် ဂီတအနုပညာရှင် တစ်ဦးဖြစ်သည်။
#TachileikNewsAgency
#TNA_MAT
