(၆၂) နှစ်ပြည့် တအာင်းအမျိုးသားတော်လှန်ရေးနေ့အား ဂုဏ်ပြုသောအားဖြင့် အကျဉ်းသား (၅၅) ဦးကို လွတ်ငြိမ်းချမ်းသာခွင့်ပေးပြီး (၅၄) ဦးအား ပြစ်ဒဏ်လျော့ပေါ့ပေးကြောင်း PSLF/TNLA က ယနေ့ ၂၀၂၅ခုနှစ် ဇန်နဝါရီလ (၁၂)ရက်နေ့တွင် ထုတ်ပြန်သည်။

တအာင်းပြည်အတွင်းရှိ အကျဉ်းထောင်အသီးသီးတွင် ပြစ်မှုကျူးလွန်၍  အကျဉ်းကျခံနေရသည့် အကျဉ်းသား (၅၅)ဦးအား ပလောင်ပြည်နယ်လွှတ်မြောက်ရေးတပ်ဦး PSLF/TNLA၏ ဥက္ကဌ ဗိုလ်ချုပ်ကြီး တားအဘုင်မှ လက်မှတ်ထိုး လွှတ်ငြိမ်းပေးခဲ့ခြင်းဖြစ်ကြောင်း သိရသည်။

ပြစ်မှုများစွာကျူးလွန်၍ အကျဉ်းထောင်အသီးသီးတွင် နှစ်ရှည်ထောင်ကျနေရသူများကိုလည်း ပြစ်ဒဏ်လျော့ပေါ့ပေးခဲ့ပြီး ၊ လွှတ်ငြိမ်းစေ့ရန် လပိုင်းသာလိုနေသည့် အကျဉ်းသားများကိုလည်း လွှတ်ငြိမ်းချမ်းသာခွင့်ပေးခဲ့ကြောင်း သိရသည်။

အဆိုပါ အကျဉ်းသားများသည် မူးယစ်ဆေးဝါးရောင်းဝယ်သုံးစွဲမှု၊ အမျိုးသမီးများအပေါ် ကျူးလွန်မှု၊ အကြမ်းဖက်မှု၊ လူသတ်မှု၊ လူကုန်ကူးမှု၊ ဓားပြတိုက်မှုနှင့် ပြန်ပေးဆွဲမှုများ ကျူးလွန်ထားကြသူများ ဖြစ်သည်ဟု PSLF/TNLA က ဆိုသည်။

ပြီးခဲ့သည့် ၂၀၂၄ ခုနှစ် ဇန်နဝါရီလ (၁၂)ရက်နေ့တွင် ကျရောက်သည့် (၆၁) နှစ်ပြည့် တအာင်းအမျိုးသားတော်လှန်ရေးနေ့တွင်လည်း PSLF/TNLA မှ အကျဉ်းသား (၂၃၂)ဦး လွတ်ငြိမ်းချမ်းသာခွင့်ပေးပြီး ၊ (၆၀)ဦးအား ပြစ်ဒဏ်လျှော့ပေါ့ပေးခဲ့ကြောင်း သိရသည်။

တအောင်းဒေသခံ ပြည်သူလူထုများ၏ တော်လှန်ရေးအောင်ပွဲ အသီးအပွင့်ကို ရေရှည်ထိန်းသိမ်းထားနိုင်ရန်အတွက် မြန်မာပြည်တ၀ှမ်းလုံးရှိ တော်လှန်ရေးအင်အားစုများနှင့် လက်တွဲကာ စစ်ကောင်စီကို ချေမှုန်းတော်လှန်သွားမည်ဖြစ်ကြောင်း (၆၂)နှစ်ပြည့် တအာင်းအမျိုးသားတော်လှန်ရေးနေ့တွင် TNLA က ကြညာချက်ထုတ်ပြန် အသိပေးထားသည်။

#TachileikNewsAgency

#TNA_LE

Photo:PSLF/TNLA NEWS