သံတွဲမြို့တွင်းရှိ စစ်‌ရှောင်များခိုလှုံနေသည့် နေရာများကို စစ်ကောင်စီ ဗုံးကြဲရာ ၁၅ ဦးသေဆုံးပြီး ၂၃ ဦးဒဏ်ရာရ

စက်တင်ဘာ 26, 2024 | 2021 Military Coup| အခြားဒေသများ

ရခိုင်ပြည်နယ် သံတွဲမြို့ကို စစ်ကောင်စီတပ်က ယနေ့ ၂၀၂၄ခုနှစ် စက်တင်ဘာလ (၂၆)ရက်နေ့ နံနက်ပိုင်းတွင် လေကြောင်းမှ ဗုံးကြဲတိုက်ခိုက်ရာ ကလေးငယ်များအပါအဝင် အရပ်သား (၁၅)ဦး သေဆုံးပြီး (၂၃)ဦးထက်မနည်း ဒဏ်ရာရကြောင်း ဒေသခံများထံမှ သိရသည်။

စစ်ကောင်စီတပ်သည် သံတွဲမြို့လယ်ခေါင် သံတွဲမြို့နယ်ခန်းမနှင့် သဘာဝပတ်ဝန်းကျင်ထိမ်းသိမ်းရေးရုံးတို့ကို ဗုံးကြဲတိုက်ခိုက်သွားခြင်းဖြစ်ပြီး အဆိုပါနေရာများတွင် ကျိန္တလီမှ စစ်ရှောင်များ လာရောက်ခိုလှုံနေခြင်းဖြစ်သည်ဟု သိရသည်။