မကွေးတိုင်း ပခုက္ကူခရိုင် မြိုင်မြို့ရှိ စစ်ကောင်စီဂိတ်စခန်းများအား တော်လှန်ရေးတပ်ပေါင်းစုမှ ဝင်ရောက်စီးနင်းတိုက်ခိုက်ပြီး စစ်ကောင်စီရုံးများအား မီးရှို့ရှင်းလင်းခဲ့ကြောင်း M.V.P Revolution Force အဖွဲ့ထံမှ သိရသည်။

မြိုင်မြို့ရှိ စစ်ကောင်စီဂိတ်စခန်းများအား ၂၀၂၄ခုနှစ် စက်တင်ဘာလ (၇)ရက်နေ့ မနက် (၇)နာရီ ဝန်းကျင်တွင် တော်လှန်ရေးတပ်ပေါင်းစုများမှ ဝင်ရောက်စီးနင်းတိုက်ခိုက်ခဲ့ပြီး တိုက်ပွဲမှာ (၁)နာရီကျော်ခန့် ကြာမြင့်ခဲ့ကာ တချိန်တည်းတွင် စစ်ကောင်စီလက်အောက်ခံ စည်ပင်ရုံး ၊ ဥပဒေရုံးနှင့် ကြံခိုင်ရေးရုံးများအား မီးရှို့ရှင်းလင်းခဲ့ခြင်းဖြစ်ကြောင်း သိရသည်။

တိုက်ခိုက်မှုအတွင်း မြိုင်မြို့အရှေ့ဘက်ရှိ စစ်ကောင်စီတပ်သားများ နေထိုင်သည့် ဘန်ကာအနီးရှိ နှစ်ထပ်တိုက်အား တော်လှန်ရေးတပ်ဖွဲ့များမှ ဝင်ရောက်စီးနင်းနိုင်ခဲ့ပြီး ဘန်ကာအနီးသို့ ရောက်ရှိချိန်တွင် ဘန်ကာဖြိုရန်  လက်နက်ကြီးများ အားနည်း၍ ပြန်လည်ဆုတ်ခွာခဲ့ရကာ ၊ စစ်ကောင်စီဘက်မှ ထိခိုက်မှုများအား ဆက်လက်စုံစမ်းနေကြောင်း M.V.P Revolution Force အဖွဲ့က ဆိုသည်။

အဆိုပါ တိုက်ခိုက်မှုအား M.V.P Revolution Force၊ မြိုင် ပ.က.ဖ ၊မုံရွာခရိုင် တပ်ရင်း (၂၇) တပ်ခွဲ (၃) သိန်းငှက်၊ အညာမြေတပ်ပေါင်းစု ၊ ဆင်ရိုင်းရာဇာ ၊ God of Myaing တပ်ရင်း (၁၆) ခွဲ (၃)၊ Anya Myay Guerilla Force Myaing၊ Corba People Defense Force၊ ကိုမုဆိုးအဖွဲ့၊ PKU Underground Force၊တမာမြေပြောက်ကျားတပ်ဖွဲ့ - မြိုင် ၊ ဓားမင်းကြီး ဂဋ္ဌုန်တပ်ရင်း (၁) တပ်ခွဲ (၂) နှင့် မြိုင်နယ် Droneအဖွဲ့များ အတူပူးပေါင်းဆောင်ရွက်ခဲ့ခြင်းဖြစ်ကြောင်း သိရသည်။

#TachileikNewsAgency

Photo:M.V.P Revolution Force