မကွေးတိုင်း ပခုက္ကူခရိုင် ပေါက်မြို့နယ်အတွင်းရှိ ပျူစောထီးရွာများအား တော်လှန်ရေးပူးပေါင်းအဖွဲ့မှ ဒရုန်းဖြင့် ဗုံးသီးများ ပစ်ချတိုက်ခိုက်ကြောင်း ပေါက်မြို့နယ် (ပ.က.ဖ) မှ ၂၀၂၄ ခုနှစ် စက်တင်ဘာလ (၄)ရက်နေ့တွင် သတင်းထုတ်ပြန်သည်။
ပေါက်မြို့နယ်အတွင်းရှိ ပျူစောထီးရွာများဖြစ်သည့် ပင်တောင်၊ သစ်ချိုကုန်း၊ ဝန်ခြုံးနှင့် ကုက္ကိုစုရွာတို့အား တော်လှန်ရေးပူးပေါင်းအဖွဲ့က သြဂုတ်လ (၂၈) ရက်နေ့မှ စတင်ပြီး (၅) ရက်အတွင်း ဒရုန်းဖြင့် 3 Kg ၊ 5 Kg ဗုံးသီးများဖြင့် ပစ်ချတိုက်ခိုက်ခဲ့ခြင်းဖြစ်ကြောင်း သိရသည်။
တိုက်ခိုက်မှုသည် ပစ်မှတ်များအား ထိရောက်မှုရှိခဲ့ပြီး ပျူစောထီးများ ထိခိုက်ဒဏ်ရာရရှိမှုများ ရှိခဲ့ကာ ကုက္ကိုစုပျူရွာအား တိုက်ခိုက်မှုတွင် (၉၆) ပါးရောဂါ ပြင်းထန်စွာခံစားနေရသည့် ပျူစောထီးခေါင်းဆောင် ပြေအေး သေဆုံးခဲ့ကြောင်း ပေါက်မြို့နယ် (ပ.က.ဖ) က ဆိုသည်။
တိုက်ခိုက်မှုအတွင်း တော်လှန်ရေးပူးပေါင်းတပ်ဖွဲ့မှ ဒရုန်းတစ်စီး ပျက်စီးဆုံးရှုံးခဲ့ကြောင်း သိရသည်။
အဆိုပါ တိုက်ခိုက်မှုအား ပေါက် ပကဖ Drone Team နှင့်အတူ BLY Drone Team တို့ ပူးပေါင်းဆောင်ရွက်ခဲ့ခြင်းဖြစ်ကြောင်း သိရသည်။
#TachileikNewsAgency
