မကွေးတိုင်း မြိုင်မြို့နယ် တွင်းမရွာ ပျူစောထီးစခန်းမှထွက်လာသည့် စစ်ကောင်စီတပ်ကို ယနေ့ ၂၀၂၄ခုနှစ် ဇူလိုင်လ (၁၇)ရက်နေ့တွင် မြိုင်မြို့နယ် ပကဖက တိုက်ခိုက်ရာ လက်နက်ခဲယမ်းတချို့ကို သိမ်းဆည်းရရှိကြောင်း သိရသည်။
တွင်းမရွာ ပျူစောထီးစခန်းမှထွက်လာသည့် စစ်ကောင်စီတပ်စစ်ကြောင်းနှင့် မြိုင်ပကဖတို့ တွင်းမရွာ မြောက်ဖက်တနေရာ၌ ထိတွေ့မှုနှစ်ကြိမ်ဖြစ်ပွားခဲ့ပြီး စစ်ကောင်စီတပ်သားများ တွင်းမရွာသို့ ပြန်ဝင်သွားသည်ဟု ဆိုသည်။
တိုက်ပွဲအတွင်း စစ်ကောင်စီတပ်ထံမှ RPG 7 ဖူး(၅)ခု၊ ပို့ယမ်း (၁၀)တောင့်၊ (၆၀)မမ (၂)လုံး၊ ကာဘိုင်ကျည် အတောင့်(၁၅၀၀)၊ တော်ပီဒိုယမ်းအချောင်း (၆)ချောင်း၊ ဆန် (၈)လုံး၊ ဖုန်း (၂)လုံးနှင့် ဆေးပစ္စည်းအစုံတို့ကို သိမ်းဆည်းရရှိခဲ့သည်ဟု မြိုင်ပကဖက ဆိုသည်။
တိုက်ခိုက်မှုကို ပကဖ အမှတ် (၁)တပ်ရင်း ၊ ပခုက္ကူခရိုင် အမှတ်(၂) တပ်ရင်း၊ မြိုင်ပကဖ တပ်ခွဲ (၁)၊ တပ်ခွဲ-၂ (ဂဠုန်) ၊ Myaing Warriors တပ်ဖွဲ့ ၊ PDF-Kamma(ကမ္မတပ်ပေါင်းစု) နှင့် KMDF (ကမ္မတပ်ပေါင်းစု)တို့က တိုက်ခိုက်ခဲ့ခြင်းဖြစ်ကြောင်း သိရသည်။
#TachileikNewsAgency
Photo: မြိုင်-ပကဖ
