ပဲခူးတိုင်း၊ အုတ်ဖိုမြို့နယ်တွင် စစ်ဖက်ဆိုင်ရာသုံး ကေဘယ်ကြိုး ဖြတ်တောက်ခံရသဖြင့် လာရောက်ပြင်ဆင်သည့် စစ်ကောင်စီတပ်သားများကို မိုင်းခွဲတိုက်ခိုက်ခဲ့ကြောင်း သာယာဝတီခရိုင် တပ်ရင်း (၃၈၀၂) တပ်ခွဲ(၄) မြေအောက်ပြောက်ကျားတပ်ဖွဲ့-အုတ်ဖိုထံမှ သိရသည်။
ဝင်းသရက်ကျေးရွာ ချောင်းကမ်းပါးရှိ စစ်ကောင်စီတပ်၏ စစ်ဘက်ဆိုင်ရာသုံး ဆက်သွယ်ရေးကေဘယ်ကြိုးအား ၂၀၂၄ခုနှစ် ဧပြီလ (၁)ရက်နေ့က သာယာဝတီခရိုင် တပ်ရင်း(၃၈၀၂) တပ်ခွဲ(၄)မြေအောက်ပြောက်ကျားတပ်ဖွဲ့-အုတ်ဖိုက ဖြတ်တောက်ဖျက်ဆီးခဲ့ကြောင်း သိရသည်။
အဆိုပါ ဖြတ်တောက်ဖျက်ဆီးလိုက်သည့် စစ်ဘက်ဆိုင်ရာသုံး ဆက်သွယ်ရေး ကေဘယ်ကြိုးအား ပြင်ဆင်ရန် ခြေလျင်တက်လာသည့် စစ်ကောင်စီတပ်ကို ယနေ့ ဧပြီလ(၂)ရက်နေ့ နံနက်ပိုင်းတွင် ထန်းပင်ကုန်းကျေးရွာနှင့် ဝင်းသရက်ကျေးရွာကြားရှိ မိုင်းကွင်းအတွင်း ဝင်ရောက်လာစဥ် ပဒေသာမိုင်း (၁၀)လုံးတွဲဖြင့် ဖောက်ခွဲတိုက်ခိုက်ခဲ့ကြောင်း သိရသည်။
မိုင်းဆွဲတိုက်ခိုက်မှုကြောင့် စစ်ကောင်စီတပ်သားများ ထိခိုက်သေဆုံးသူရှိပြီး လူနာတင်ယာဥ် (၃)စီးဖြင့် လာရောက်သယ်ဆောင်သွားသည်ဟု သိရသည်။
#TachileikNewsAgency
Photo: သာယာဝတီခရိုင် တပ်ရင်း (၃၈၀၂)
