စစ်ကာင်စီတပ်က မူးမန္တလေးရွာအား ဝင်ရောက်မီးရှို့နေသဖြင့် ဒေသခံများ ညတွင်းချင်း တိမ်းရှောင်နေရ
စစ်ကိုင်းတိုင်း မြင်းမူမြို့နယ် မူးမန္တလေးရွာအား စစ်ကောင်စီတပ်က ယနေ့ ၂၀၂၃ခုနှစ် ဇူလိုင်လ (၁၇)ရက်နေ့ ည(၆)နာရီဝန်းကျင်တွင် လက်နက်ကြီး၊ လက်နက်ငယ်များဖြင့် ပစ်ခတ်ဝင်ရောက်လာခဲ့ခြင်းကြောင့် ဒေသခံများ ထွက်ပြေးတိမ်းရှောင်နေရကြောင်း သိရသည်။
လက်ရှိတွင် မူးမန္တလေးရွာအား စစ်ကောင်စီတပ်ဖွဲ့မှ မီးရှို့ဖျက်ဆီးနေခြင်းကြောင့် ပြည်သူများတိမ်းရှောင်နေကြရပြီး အနီးဝန်းကျင်ရှိ ကျေးရွာများပါ ညတွင်းချင်း တိမ်းရှောင်နေကြရသည်ဟု စစ်ကိုင်းမြို့နယ် သတင်းမှန်ပြန်ကြားရေးက ဖော်ပြထားသည်။
#TachileikNewsAgency
Photo : စစ်ကိုင်းမြို့နယ် သတင်းမှန်ပြန်ကြားရေး
