တနင်္သာရီတိုင်း၊ တနင်္သာရီမြို့နယ်အတွင်း စစ်ကောင်စီတပ်ဖွဲ့များကို ပြည်သူ့ကာကွယ်ရေးတပ်မတော် မြိတ်ခရိုင် တပ်ရင်း ၂၊ တပ်ခွဲ (၁၊၂)၊ တနင်္သာရီကာကွယ်ရေးပြောက်ကျားအဖွဲ့နှင့် တနင်္သာရီရိုးမအဖွဲ့တို့ပူးပေါင်း၍ ပျောက်ကျားစနစ်ဖြင့် နှစ်ရက်တာ တိုက်ခိုက်မှုအတွင်း သေနတ်တစ်လက်သိမ်းဆည်းရမိသည်ဟု သိရသည်။

တောင်ပိုင်းစစ်ဒေသ သတင်းနှင့် ပြန်ကြားရေးက ယနေ့ ၂၀၂၃ ခုနှစ်၊ ဇန်နဝါရီလ ၂ ရက်တွင် သတင်းထုတ်ပြန်ချက်အရ အဆိုပါတိုက်ခိုက်မှုများအတွင်း စစ်ကောင်စီတပ်ဘက်တွင် သေဆုံးသူရှိသည်ဟု ဆိုသည်။

PDF ပူးပေါင်းအဖွဲ့က တနင်္သာရီမြို့နယ်အတွင်း မော်တုန်းကျေးရွာအနီးရှိ အမတ(၃၀၆)ကို ၂၀၂၂ ခုနှစ် ဒီဇင်ဘာလ (၃၁)ရက်နေ့တွင်လည်းကောင်း ဗောဓိကမ်းတံတားရှိ စစ်ကောင်စီတပ်ဖွဲ့ကို ၂၀၂၃ ခုနှစ် ဇန်နဝါရီလ (၂)ရက်နေ့တွင်လည်းကောင်း သွားရောက်တိုက်ခိုက်ခဲ့ကြခြင်းဖြစ်သည်ဟု သိရသည်။

အဆိုပါတိုက်ခိုက်မှုအတွင်း စစ်ကောင်စီတပ်ဘက်မှ MA 2သေနတ်တစ်လက်ကို ပြည်သူ့ကာကွယ်ရေးတပ်ပူးပေါင်းအဖွဲ့က သိမ်းဆည်းရမိခဲ့သည်ဟု သိရသည်။