ကချင်ပြည်နယ်၊ ဗန်းမော်ခရိုင်၊ မန်စီမြို့နယ်၊ အူလန်ပါ(Ulang Pa)နယ်မြေတွင်  မတ်လ(၂၆)ရက်နေ့ နံနက်ပိုင်းက စစ်လက်နက်နှင့် ရိက္ခာသယ်ဆောင်လာသည့် အကြမ်းဖက်စစ်ကောင်စီတပ်ကို KIA မှ မိုင်းဆွဲတိုက်ခိုက်ခဲ့ကြောင်း သိရသည်။

KIA တပ်၏ အမှတ်(၃)တပ်မဟာ၊ အမှတ်(၂၇)တပ်ရင်း နယ်မြေ Ulang Pa နယ်မြေအတွင်း စစ်ကောင်စီတပ် ခလရ(၁၂၁)တပ်နှင့် တပ်မ (၈၈) လက်အောက်ခံတပ်တို့က ဟန်ထက်မှ စစ်လက်နက် ရိက္ခာတင်ဆောင်ကာ KIA တပ်ရှိရာသို့ ဝင်ရောက်လာသဖြင့်KIA က မိုင်းဆွဲတိုက်ခိုက်ခဲ့ခြင်းဖြစ်ကြောင်း သိရသည်။

စစ်ကောင်စီတပ်များသည် KIA အမှတ်(၂၇)တပ် ရင်းနယ်မြေအတွင်း စစ်ရေးလှုပ်ရှားမှုရှိနေသဖြင့်  မကြာခဏ တိုက်ပွဲဖြစ်‌ပွား လျှက်ရှိကြောင်း သိရသည်။

မတ်လ(၂၃)ရက်နေ့ကလည်း KIA အမှတ်(၈)တပ်မဟာ၊ အမှတ် (၅)တပ်ရင်းနယ်မြေကို စစ်ကြောင်းထိုးစစ်ကောင်စီတပ်နှင့်  KIA နှင့် KPDF ပူးပေါင်းတပ်တို့ မင်းကျောင်းကုန်း၌ မိုင်းဆွဲ တိုက် ခိုက်ခဲ့သေးသည်။

ဒါ့အပြင် မတ်လ(၂၃)ရက်ကလည်း အကြမ်းဖက်စစ်ကောင်စီတပ် က လိုင်ဇာမြို့သို့ ပစ်ခတ်သည့် လက်နက်ကြီးကျည်တစ်လုံး တရုတ်နိုင်ငံ Na Bang ရွာအတွင်းသို့ ကျရောက်ခဲ့သေးကြောင်း သိရသည်။

#TachileikNewsAgency