ကျူးကျော်စစ်ဆင်နွှဲနေသည့် ရုရှားကို ယူကရိန်းက နိုင်ငံတကာတရားရုံး( International Court of Justice - ICJ )ကို တိုင်ကြားထားပြီဖြစ်ကြောင်း ယူကရိန်းသမ္မတက ထုတ်ဖေါ်ပြောကြားထားသည်။

ရုရှားအနေဖြင့် ကျူးကျော်ရန်စပြီး လူမျိုးတုန်းသတ်ဖြတ်ရန်အစပြုမှုများအတွက် တာဝန်ယူ၊ တာဝန်ခံရမည်ဖြစ်သည်ဟုလည်း ယူကရိန်းသမ္မတက ယနေ့ ဖေဖော်ဝါရီလ(၂၇)ရက်နေ့ ညနေ(၅)နာရီကျော်က ပြောကြားထားသည်။

ရုရှား၏ စစ်ရေးလှုပ်ရှားမှုများ ချက်ချင်း ရပ်တန့်ရေးအတွက် ဆုံးဖြတ်ချက် မြန်မြန်ဆန်ဆန် ချမှတ်ပေးရန် တောင်းဆိုထားပြီး လာမည့် ရက်သတ္တပတ်အတွင်း စစ်ဆေးမှုစတင်ရန် မျှော်လင့်သည်ဟု ယူကရိန်းသမ္မတက ဆိုသည်။