ရှမ်းပြည်နယ် (တောင်ပိုင်း) တောင်ကြီးမြို့ရှိ မြန်မာ့စီးပွားရေးဘဏ်ခွဲတွင် ပင်စင်လစာထုတ်မည့်သူများ ၂၀၂၁ ခုနှစ် ဇူလိုင်လ (၂၆) ရက်နေ့မှ ဇူလိုင်လ (၂၉) ရက်နေ့အထိ ကျောက်တိုင်ကွင်း မိုးလုံလေလုံအားကစားခန်းမတွင် နံနက် (၆)နာရီခွဲမှ နေ့လယ် (၁) နာရီအထိ လာရောက်ထုတ်ယူနိုင်ကြမည်ဖြစ်ကြောင်း သိရသည်။

COVID 19 ကာကွယ်ရေးအတွက် ပင်စင်ထုတ်ပေးမည့်နေရာကို ရွှေ့ပြောင်းထားခြင်းဖြစ်ပြီး ပင်စင်လာထုတ်မည့်သူများအနေဖြင့် Mask၊ Faceshield ၊ လက်အိတ်များဝတ်ဆင်လာကြရမည်ဟု သိရသည်။

ပင်စင်လာထုတ်သူများအနေဖြင့် E-pension ကတ် သို့မဟုတ် ပင်စင်စာအုပ်ယူလာရန် လိုအပ်ပြီး အသက်အရွယ်ကြီး၍ မလာနိုင်သူများ သို့မဟုတ် နာမကျန်းသူများ ကိုယ်တိုင်မလာနိုင်ပါက ကိုယ်စားလာထုတ်သူထံမှတစ်ဆင့် messenger သို့မဟုတ် viber ဖြင့်ခေါ်၍စိစစ်ပြီး ပင်စင်ထုတ်ပေးနေကြောင်း သိရသည်။