မတ် 31, 2025
မန္တလေးမြို့တွင် ငလျင်အပျက်အစီးပုံအောက် နာရီပေါင်း (၆၀)နီးပါး ပိတ်မိနေသည့် အမျိုးသမီးတစ်ဦးကို တရုတ်ကယ်ဆယ်ရေးအဖွဲ့က ၂၀၂၅ ခုနှစ် မတ်လ (၃၁)ရက်နေ့အကူးတွင် ကယ်ထုတ်နိုင်ကြောင်း သတင်းထုတ်ပြန်လာသည်။
အဆိုပါ အမျိုးသမီးမှာ တရုတ်ကယ်ဆယ်ရေးအဖွဲ့ မန္တလေးရောက်ပြီး ပထမဆုံး ကယ်ဆယ်လိုက်နိုင်သူဖြစ်ကြောင်း သိရသည်။
ကယ်ဆယ်ရေးတွင် ဒေသခံ မြန်မာ့ကယ်ဆယ်ရေးအဖွဲ့များ၊ ရှန်းကျန့် (Shenzhen) စေတနာ့ဝန်ထမ်းကယ်ဆယ်ရေးအဖွဲ့နှင့် ရုရှားကယ်ဆယ်ရေးအဖွဲ့တို့သည် အဆိုပါ ကယ်ဆယ်ရေးလုပ်ငန်းတွင် ပူးပေါင်းပါဝင်ခဲ့ကြသည်ဟု သိရသည်။
မန္တလေးတွင် ငလျင်အတွင်း ပြိုကျသွားသည့် ဂရိတ်ဝေါဟိုတယ်အပါအဝင် အပျက်အစီးပုံအောက်တွင် အသက်ရှင်လျက် ပိတ်မိနေသူများ၏ အော်ဟစ်အကူအညီတောင်းသံများ ကြားနေရဆဲဖြစ်ကြောင်း သိရသည်။
