ရခိုင်ပြည်နယ်အတွင်း အနောက်ပိုင်းတိုင်းစစ်ဌာနချုပ်တစ်ခုလုံးကို အာရက္ခတပ်တော်(AA)က တိုက်ခိုက်သိမ်းပိုက်လိုက်ပြီးနောက် အရှင်ဖမ်းဆီးရမိသည့် စစ်သုံ့ပန်းများ၏ စတင် အလံဖြူထောင် အညံ့ခံမှု အခြေအနေနှင့် နောက်ပိုင်း ကျန်းမာရေးစောင့်ရှောက်မှု အပါအဝင် နေထိုင်နေမှု အခြေအနေများကို AA၏ သတင်းနှင့်ပြန်ကြားရေးတပ်ဖွဲ့က ၂၀၂၄ခုနှစ် ဒီဇင်ဘာလ(၂၆)ရက်နေ့ ညပိုင်းက သတင်းထုတ်ပြန်လာသည်။

AA က ထုတ်ပြန်လာသည့် ဗီဒီယိုမှတ်တမ်းတွင် အရှင်ဖမ်းဆီးရမိထားသည့် စစ်သုံ့ပန်းများကို ကောင်းမွန်စွာထားရှိပြီး ဒဏ်ရာရသူများနှင့် မကျန်းမာသူများကို ဆေးကုသပေးနေပြီး အစားအသောက်များ ပုံမှန်ကျွေးမွေးထားသည်ကို တွေ့ရသည်။