ခိုးမှုနဲ့လုယက်မှုတွေ နေ့စဉ်နီးပါး ဖြစ်ပွားနေတဲ့ တာချီလိတ်မြို့မှာ ၂၀၂၄ခုနှစ် မေလ(၁၉)ရက်နေ့ နံနက်(၅)နာရီဝန်းကျင်အချိန်က ဖုန်းဆိုင်တစ်ဆိုင် ဖောက်ထွင်းခံရပြီး အိုင်ဖုန်းတွေ သီးသန့် အများကြီး ခိုးခံလိုက်ရပါတယ်။

ဖောက်ထွင်းခိုးယူသူဟာ ဖုန်းဆိုင်ထဲမှာရှိတဲ့ ဖုန်းမျိုးစုံထဲကနေ နောက်ဆုံးထွက် အိုင်ဖုန်းအသစ်တွေကိုသာ ရွေးချယ်ပြီးတော့ ခိုးသွားတာဖြစ်ပါတယ်။

အခုလို ဖောက်ထွင်းခိုးခံရတဲ့ ဖုန်းဆိုင်ဟာ တာချီလိတ်မြို့ ဆန်ဆိုင်းဟိုတယ်အနီးက Hout Same Mobile က ဖြစ်ပြီးတော့ သူခိုးကို ဖမ်းပေးနိုင်သူများကို iPhone 15 အသစ်စက်စက် တစ်လုံး ချီးမြှင့်မယ်လို့လည်း လူမှုကွန်ရက်ဖြစ်တဲ့ Facebook ပေါ်မှာ ဖော်ပြထားပြီး အကူအညီတောင်းခံထားတာကို တွေ့ရတဲ့အတွက်ကြောင့်မလို့ Tachileik News Agency က ပြန်လည် ဖော်ပြပေးလိုက်ခြင်း ပဲဖြစ်ပါတယ်။

မြန်မာ - ထိုင်နယ်စပ်ဒေသ တာချီလိတ်မြို့မှာ ခိုးမှုနဲ့ လုယက်မှုတွေ နေ့စဉ်နီးပါး ဖြစ်ပွားနေလျှက်ရှိပါတယ်။