ညောင်ရွှေမြို့ရှိ စော်ဘွားဂူတွင် ညောင်ရွှေစော်ဘွားရုပ်တုထားရှိရန် ကော်မတီဖွဲ့၍ ဆောင်ရွက်နေ
ရှမ်းပြည်နယ်(တောင်ပိုင်း)ညောင်ရွှေမြို့ ၊ သာစည်ရပ်ကွက် ၊ လွတ်လပ်ရေးကျောက်တိုင်ကွင်းအရှေ့ဘက်ရှိ ညောင်ရွှေစော်ဘွားဂူတွင် စော်ဘွား၏ပုံတူကြေးရုပ်တုထားရှိရန် ၂၀၁၈ ခုနှစ်အတွင်း အကောင်အထည်ဖော်သွားမည်ဖြစ်ကြောင်း ကြေးရုပ်ဖြစ်မြောက်ရေးယာယီကော်မတီထံမှ သိရသည်။
“ကြေးရုပ်တုဖြစ်မြောက်ရေးအတွက် အခုလောလောဆယ်မှာတော့ ယာယီကော်မတီဝင် (၂၀)ကျော်နဲ့ ဖွဲ့စည်းထားပါတယ်။ အလှူမတည်ငွေကတော့ သိန်း (၂၀) ရရှိထားပါပြီ။ ကုန်ကျငွေက သိန်း (၁၀၀) ကျော် ကုန်မှာဆိုတော့ ၂၀၁၈ ခုနှစ်အတွင်းမှာ အကောင်အထည်ဖော်ဆောင်ရွက်သွားနိုင်မှာပါ။ ရုပ်တုပုံစံကတော့ လွတ်လပ်ရေးနေ့ အလံတင်အခမ်းအနားမှာဝတ်တဲ့ဝတ်စုံနဲ့ မတ်တပ်ရပ်နေတဲ့ပုံ ထုလုပ်သွားမှာပါ။ အောက်ခြေမှာကတော့ မြန်မာစာ၊ အင်္ဂလိပ်စာ၊ ရှမ်းစာ (၃) ဘာသာနဲ့ ရေးသားသွားမှာပါ။ ရုပ်တုကို စော်ဘွားရဲ့ ဂူဗိမာန်ရှေ့မှာ တည်ထားမယ်။ ရန်ပုံငွေအပေါ်မူတည်ပြီးတော့လည်း အနှေးနဲ့ အမြန်ပြုလုပ်သွားမှာပါ။ လွှတ်တော်ကိုယ်စားလှယ် (၁၇) ဦးကတော့ တစ်ရက်ကုန်ကျငွေ လာလှူဖို့ ပြောထားပါတယ်” ဟု ကြေးရုပ်ဖြစ်မြောက်ရေးယာယီကော်မတီ ဥက္ကဌ ဦးခင်မောင်ဝင်းက တာချီလိတ်သတင်းအေဂျင်စီသို့ ပြောသည်။
ညောင်ရွှေစော်ဘွားကြီးသည် ၁၉၆၂ ခုနှစ် မတ်လ (၂) ရက်နေ့တွင် ရန်ကုန်မြို့နေအိမ်တွင် ဖမ်းဆီးထိန်းသိမ်းခံခဲ့ရပြီး နိုဝင်ဘာလ (၂၁)ရက်နေ့တွင် အင်းစိန်ထောင်အတွင်း ကွယ်လွန်ခဲ့ခြင်းဖြစ်သည်။
သတင်း #နိုနို
