တာချီလိတ်မြို့တွင် ဒီဇင်ဘာလ(၄)ရက်နေ့ နံနက်(၉)နာရီတွင် Covid-19 အတည်ပြုလူနာ (၂)ဦး တိုး
ရှမ်းပြည်နယ်(အရှေ့ပိုင်း)၊ တာချီလိတ်မြို့ရှိ တာချီလိတ်ဆေးရုံဟောင်းအတွင်း Covid-19 စစ်ဆေးပေးနေသည့် Fever Clinic တွင် ၂၀၂၀ခုနှစ် ဒီဇင်ဘာလ(၄)ရက်နေ့ နံနက်ပိုင်း(၉)နာရီအထိ (၂)ဦးတွင် Covid-19 ပိုးတွေ့သည်။
Covid-19 ပိုးတွေ့ရှိသူမှာ အမျိုးသား(၂)ဦး ဖြစ်ပြီး နေရပ်လိပ်စာ နှင့် ၎င်းနှင့်ထိတွေ့သူများကို ကျန်းမာရေးဌာနက ဆက်လက် မေးမြန်းနေဆဲဖြစ်သည်။
တာချီလိတ်မြို့တွင် ၂၀၂၀ခုနှစ် နိုဝင်ဘာလ(၂၂)ရက်နေ့မှ ဒီဇင်ဘာလ(၄)ရက်နေ့ နံနက်(၉)နာရီအထိ Covid-19 ပိုးတွေ့ရှိသူ စုစုပေါင်း (၅၇)ဦးရှိနေရာ (၁)ဦးမှာ ဒီဇင်ဘာလ(၂)ရက်နေ့က ဆေးရုံက ဆင်းခွင့်ရသွားပြီဖြစ်၍ လက်ရှိတွင် (၅၆)ဦး ရှိနေသည်။
