နိုင်ငံအတွင်း ဒေသအသီးသီးမှ Covid-19 ဓါတ်ခွဲနမူနာများကို စစ်ဆေးပေးနေလျက် အောက်တိုဘာလ(၂၆)ရက်နေ့တွင် Covid-19 အတည်ပြုလူနာ (၁,၄၂၆)ဦး ထပ်တိုးပြီး သေဆုံးသူမှာလည်း (၂၇)ဦး ထပ်တိုးကြောင်း ကျန်းမာရေးနှင့်အားကစားဝန်ကြီးဌာနက သတင်းထုတ်ပြန်ထားရှိသည်။

အောက်တိုဘာလ(၂၆)ရက်နေ့အထိ အတည်ပြုလူနာ စုစုပေါင်း (၄၆,၂၀၀)ဦးရှိသည်အနက် (၂၆,၀၀၇)ဦးမှာ ဆေးရုံဆင်းခွင့် ရရှိသွားသည့်အတွက် လက်ရှိတွင် ဒေသအသီးသီး၌ ကုသမှု ခံယူနေသူ စုစုပေါင်း (၁၉,၀၇၁)ဦး ကျန်ရှိနေသေးကြောင်း သိရသည်။

၂၀၂၀ခုနှစ် မတ်လ(၂၃)ရက်နေ့မှ အောက်တိုဘာလ(၂၆)ရက်နေ့အထိ Covid-19 အတည်ပြုလူနာ စုစုပေါင်း (၄၆,၂၀၀)ဦးရှိရာ သေဆုံးသူမှာ (၁,၁၂၂)ဦးအထိ ရှိနေကြောင်း သိရှိရသည်။

  Tachileik News Agency