နိုင်ငံအတွင်း အောက်တိုဘာလ(၁၉)ရက်နေ့တွင် Covid-19 အတည်ပြုလူနာ (၁,၁၈၀)ဦးထပ်တိုးပြီး သေဆုံးသူလည်း (၃၄)ဦး ထပ်တိုး

နိုင်ငံအတွင်း ဒေသအသီးသီးမှ Covid-19 ဓါတ်ခွဲနမူနာပေါင်း (၁၉,၁၀၃)ခုကို အောက်တိုဘာလ(၁၉)ရက်နေ့တွင် စစ်ဆေးရာ Covid-19 အတည်ပြုလူနာ စုစုပေါင်း (၁,၁၈၀)ဦး ထပ်တိုးတွေ့ရှိသလို သေဆုံးသူမှာလည်း (၃၄)ဦး တိုးလာကြောင်း ကျန်းမာရေးနှင့်အားကစားဝန်ကြီးဌာနက သတင်းထုတ်ပြန်ထားရှိသည်။

နိုင်ငံအတွင်း၌ အတည်ပြုလူနာ စုစုပေါင်း (၃၇,၂၀၅)ဦးရှိလာသည်အနက် သေဆုံးသူမှာ (၉၁၄)ဦးအထိ ရှိနေပြီး သက်သာပျောက်ကင်း၍ ဆေးရုံဆင်းခွင့်ရသွားသူများမှာ (၁၇,၅၆၈)ဦးရှိသည့်အတွက် လက်ရှိတွင် ဒေသအသီးသီး၌ ကုသမှု ခံယူနေသူမှာ (၁၈,၇၂၃)ဦး ကျန်ရှိနေသေးကြောင်း သိရသည်။

Covid-19 ကူးစက်မှု လျော့ပါးရေးအတွက် နေအိမ်မှတဆင့် မဖြစ်မနေ အပြင်ထွက်သွားလာပါက နှာခေါင်းစည်း(Mask)တပ်ကြရန် ကျန်းမာရေးနှင့်အားကစားဝန်ကြီးဌာနပ ပန်ကြားထားရှိသည်။