စက်တင်ဘာလ(၁၂)ရက်နေ့အတွက် ပထမအသုတ် စစ်ဆေးမှုတွင် အတည်ပြုလူနာ (၁၅၀)ဦး ထပ်တိုးပြီး သေဆုံးသူလည်း (၁)ဦး ထပ်တိုး
ကျန်းမာရေးနှင့် အားကစားဝန်ကြီးဌာနက ၂၀၂၀ခုနှစ် စက်တင်ဘာလ(၁၂)ရက်နေ့အတွက် ပထမအသုတ်စစ်ဆေးခြင်းအဖြစ် (၂,၄၂၃)ဦး၏ ဓါတ်ခွဲနမူနာများကို စစ်ဆေးရာ အတည်ပြုလူနာ (၁၅၀)ဦး စစ်ဆေးတွေ့ရှိရ၍ နိုင်ငံအတွင်း Covid-19 အတည်ပြုလူနာ စုစုပေါင်း (၂,၅၉၅)ဦး ရှိနေပြီဖြစ်ကြောင်း စက်တင်ဘာလ (၁၂)ရက်နေ့ ည(၈)နာရီတွင် သတင်းထုတ်ပြန်ထားရှိသည်။
ရန်ကုန်ဆေးရုံကြီးတွင် ဆေးဝါးကုသမှုခံယူနေသူ အသက်(၇၀)နှစ်အရွယ်ရှိ အတည်ပြုလူနာ case - 2351
သည် စက်တင်ဘာလ(၁၂)ရက်နေ့ နံနက်(၁၀)နာရီခွဲအချိန်က သေဆုံးသွား၍ နိုင်ငံအတွင်း သေဆုံးသူ စုစုပေါင်း (၁၆)ဦးအထိ ရှိနေပြီဖြစ်သည်။
နိုင်ငံအတွင်း Covid-19 အတည်ပြုလူနာ စုစုပေါင်း (၂,၅၉၅)ဦးအထိ ရှိနေရာတွင် သက်သာပျောက်ကင်းသူမှာ (၆၇၆)ဦးအထိ ရှိကြောင်းလည်း သိရသည်။
Tachileik News Agency
