အသက် (၆)နှစ်ကလေးတစ်ဦးတွင် COVID 19 ပိုးတွေ့၍ အတည်ပြုလူနာ (၃၁၈)ဦးရှိလာ
ချင်းပြည်နယ်၊ တွန်းဇံမြို့နယ်တွင် အိန္ဒိယနိုင်ငံမှ ပြန်လာ၍ အသွားအလာကန့်သတ်ထားသူများမှ အသက် (၆)နှစ်အရွယ် ကလေးတွင် COVID 19 ပိုးတွေ့ရ၍ ၂၀၂၀ ခုနှစ်၊ ဇွန်လ (၉)ရက်နေ့ နံနက်ပိုင်းအထိ မြန်မာနိုင်ငံတွင် အတည်ပြုလူနာ (၃၁၈)ဦး ရှိလာပြီဖြစ်သည်။
မြန်မာနိုင်ငံတွင် လက်ရှိအချိန်ထိ အတည်ပြုလူနာ (၃၁၈)ဦးတွင် ဆေးရုံဆင်းခွင့်ရသူ (၂၅၀)ဦးနှင့် သေဆုံးသူ (၆)ဦးရှိသည်။
အတည်ပြုလူနာများကို ရန်ကုန်၊ မော်လမြိုင်၊ မောင်တော၊ ဘားအံ၊ ဘူးသီးတောင်၊ စစ်ကိုင်း၊ စစ်တွေ၊ ပဲခူးနှင့် တီးတိန်မြို့နယ် ပြည်သူ့ဆေးရုံများတွင် ကုသပေးနေခြင်းဖြစ်သည်။
Tachileik News Agency
