မြန်မာ - လာအို နယ်စပ်ဒေသ၊ ကျိုင်းလပ်မြို့ နှင့် တာလေမြို့တို့တွင် လျှပ်စစ်မီး တစ်နေကုန် ပြတ်တောက်မည်
မြန်မာ - လာအို နယ်စပ်ဒေသ၊ ကျိုင်းလပ်မြို့ နှင့် တာလေမြို့တို့တွင် 22KV လျှပ်စစ်မီးကြိုးများနှင့် မလွတ်ကင်းသည့် သစ်ပင်သစ်ကိုင်းများကို ခုတ်ထွင်ရှင်းလင်းမည်ဖြစ်သည့်အတွက် ဧပြီလ(၃၀)ရက်နေ့ တစ်နေကုန် လျှပ်စစ်မီး ပြတ်တောက်မည်ဖြစ်ကြောင်း သိရသည်။
လာအိုနိုင်ငံမှ လျှပ်စစ်မီး ဝယ်ယူသုံးစွဲနေသည့် တာချီလိတ်မြို့နယ်အတွင်းထဲက ကျိုင်းလပ်မြို့နှင့်တာလေမြို့တို့တွင် ၂၀၂၀ခုနှစ် ဧပြီလ(၃၀)ရက်နေ့ နံနက်(၈)နာရီခွဲမှ ညနေ(၄)နာရီအထိ ပြတ်တောက်မည်ဖြစ်ပြီး လုပ်ငန်းကိစ္စများ စောလျင်စွာ ပြီးမြောက်ပါက သတ်မှတ်ချက်ထက် စော၍ လွှတ်ပေးသွားမည်ဖြစ်ကြောင်း သိရသည်။
တာချီလိတ်မြို့သည် ထိုင်းနိုင်ငံမှ လျှပ်စစ်မီးကို ဝယ်ယူ၍ သုံးစွဲနေခြင်း ဖြစ်ပြီး ကျိုင်းလပ်မြို့နှင့်တာလေမြို့တို့သည် လာအိုနိုင်ငံမှ လျှပ်စစ်မီးကို ဝယ်ယူ၍ သုံးစွဲနေခြင်း ဖြစ်သည်။
Tachileik News Agency
