မြန်မာ - ထိုင်းနယ်စပ်ဒေသ တာချီလိတ်မြို့တွင်း မီးခိုးမြူများဟာ ၂၀၂၀ခုနှစ် မတ်လ(၁၁)ရက်နေ့က စပြီး မတ်လ(၁၄)ရက်နေ့ နေ့လည်(၁၂)နာရီကျော်အထိ သိသိသာသာ ဖုံးလွှမ်းနေတဲ့အတွက် မျက်လုံးစပ်တာတွေ လည်ချောင်းယားယံတာတွေအထိ ဖြစ်နေကြပါတယ်။
တာချီလိတ်မြို့တွင်း မီးခိုးမြူများ ဖုံးလွှမ်းနေတဲ့အတွက် ဒေသတွင်းက လက်တွေ့ခံစားနေရသူတွေက အခုလို ပြောပြကြပါတယ်။
ဟုတ်ပါတယ် အဆုတ်ရောဂါအထိကို စိုးရိမ်နေရတဲ့ ဒီမီးခိုးမြူတွေဟာ နှစ်စဉ် နွေရာသီအကြို နဲ့ နွေရာသီကာလအတွင်းမှာ နယ်စပ်တစ်လျှောက် တောမီးကြောင့် တာချီလိတ်မြို့တွင်း အပါအဝင် တာချီလိတ်နဲ့ အနီးဆုံးဖြစ်ပြီး လေထုထုအရည်အသွေး နီညိုရောင် အဆင့်ထိပါ ပြထားတဲ့ မယ်ဆိုင်မြို့အထိပါ ဖုံးလွှမ်းနေသလို မီးခိုးမြူတွေဖုံးလွှမ်းမှုကြောင့် တာချီလိတ် လေကြောင်းခရီးစဉ်အနေနဲ့လည်း နေ့လည် (၁၂)နာရီကျော်မှ ဆင်းသက်နိုင်တဲ့ အခြေအနေအတွေအထိ ဖြစ်နေပါတယ်၊
Tachileik News Agency
တင်ဆက် - ကိုဇောင်း
သတင်းရိုက်ကူး - ကျော်ဇင်ဟိန်း
