တာချီလိတ်မြို့ရှိ ဟိုတယ်တာချီလိတ်တွင် စာပေဟောပြောပွဲ ကျင်းပနေ
ရှမ်းပြည်နယ် (အရှေ့ပိုင်း) တာချီလိတ်မြို့ရှိ ဟိုတယ်တာချီလိတ်တွင် မြို့နယ်စာရေးဆရာအသင်းက ကျင်းပသည့် စာပေဟောပြောပွဲကို ၂၀၂၀ ခုနှစ်၊ ဖေဖေါ်ဝါရီလ (၂၉)ရက်နေ့ ည(၇)နာရီကျော်က စ၍ ကျင်းပနေသည်။
ဟောပြောပွဲတွင် စာရေးဆရာမ စမ်းစမ်းနွဲ့ (သာယာဝတီ)က ရွာထဲနဲ့ ရွာပြင် ခေါင်းစဉ်ဖြင့် ဟောပြောနေပြီး၊ စာရေးဆရာမ မသီတာ (စမ်းချောင်း)က ပြဿနာရှာကြစို့ ခေါင်းစဉ် နှင့် စာရေးဆရာ အရိုးက မနက်ဖြန် ဖတ်စာ ခေါင်းစဉ်ဖြင့် ဆက်လက်ဟောပြောသွားမည်ဖြစ်ကြောင်း သိရသည်။
စာပေဟောပြောပွဲသို့ တာချီလိတ်ခရိုင်အုပ်ချုပ်ရေးမှူး ဦးမြင့်နိုင်တက်ရောက်ကာ အမှတ်တရစကားပြောပြီး စာရေးဆရာအသင်း နာယက ဒေါက်တာမြင့်အောင်က ဟောပြောပွဲကျင်းပရသည့်ရည်ရွက်ချက်ရှင်းလင်းသည်ကို တွေ့ရသည်။
ဓါတ်ပုံ - ကျော်ဇင်ဟိန်း
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~
