ထိုင်းက ဖမ်းဆီးပြီး တာချီလိတ်သို့ ပြန်လွှဲပေးလာသည့် မြန်မာနိုင်ငံသားများကို ကူညီပေးနိုင်ရန် ဘတ်ဂျတ်တင်ပြဖို့ အကြံပြု
ထိုင်းနိုင်ငံအတွင်း အကြောင်းအမျိုးမျိုးကြောင့် ဖမ်းဆီးခံရတဲ့ မြန်မာနိုင်ငံသားများကို ဖမ်းဆီးအရေးယူပြီးနောက် တာချီလိတ်ကို ပြန်လည်လွှဲပြောင်း ပေးတဲ့ အခါမှာ သူတို့အတွက် နေရပ်ပြန်နိုင်ရေး အစိုးရအနေနဲ့ ပြန်လည်ကူညီပေးနိုင်ရန် လူမှုဝန်ထမ်းဦးစီးဌာနအနေဖြင့် ဘတ်ဂျတ်တင်ပြတောင်းခံရန် လိုအပ်ကြောင့် ရှမ်းပြည်နယ်လွှတ်တော်ကိုယ်စားလှယ် ဦးခင်မောင်တင့်က တိုက်တွန်းလိုက်ပါတယ်။
ကိုယ့်နိုင်ငံသားတွေဖြစ်တဲ့အတွက် လူအခွင့်အရေးအရ ရပိုင်ခွင့်တွေရှိကြောင်း ပြည်နယ်လွှတ်တော်ကိုယ်စားလှယ်ဦးခင်မောင်တင့်က ပြောပါတယ်။
ထိုင်းနိုင်ငံအတွင်းမှာ အကြောင်းအမျိုးကြောင့် ဖမ်းဆီးခံရတဲ့ မြန်မာနိုင်ငံသားတွေကို တာချီလိတ်မြို့ရှိ မြန်မာ-ထိုင်းချစ်ကြည်ရေးအမှတ်(၂)တံတားကနေ ပြန်လည်လွှဲပြောင်းပေးနေပြီး လူဦီးရေဟာ တစ်နှစ်ကိုပျမ်းမျှ (၂၀၀၀) ကျော်လောက်ရှိနေပါတယ်။
Tachileik News Agency
တင်ဆက် - ကိုဇောင်း
သတင်းရိုက်ကူး - ဟန်စိုးထိုက်
