မိုင်းရယ်- လားရှိုးလမ်းမှ နမ့်တုံးတံတားကို ဘေလီသံဘောင်တံတား အစားထိုးပေးထား၍
ယာဉ်ငယ်များ ဖြတ်သန်းနိုင်ပြီ
လက်ရှိ သွားလာနိုင်မှု အခြေအနေ ( ဓါတ်ပုံ - မိုင်းရယ် ပြန်/ဆက် )
ရှမ်းပြည်နယ် (မြောက်ပိုင်း) လားရှိုးခရိုင်၊ မိုင်းရယ်မြို့နယ်၊ နမ္မတုံးကျေးရွာအနီး မိုင်းရယ် -လားရှိုး ကားလမ်းပေါ်တွင် ၂၀၁၉ ခုနှစ်၊ ဒီဇင်ဘာလ (၁၂)ရက်နေ့ နေ့လယ်ပိုင်းက ပြိုကျသွားသည့်တံတားနေရာတွင် ဘေလီသံဘောင်တံတား တည်ဆောက်ပြီးဖြစ်၍ ဒီဇင်ဘာလ (၁၅)ရက်နေ့မှစ၍ ယာဉ်ငယ်များ ဖြတ်သန်းနိုင်ပြီဖြစ်ကြောင်း သိရသည်။
လက်ရှိ သွားလာနိုင်မှု အခြေအနေ ( ဓါတ်ပုံ - မိုင်းရယ် ပြန်/ဆက် )
လားရှိုး - တန့်ယန်း - မိုင်းရယ်ကားလမ်းမှ နမ္မတုံးတံတားမှာ ၂၀၁၉ ခုနှစ်၊ ဒီဇင်ဘာလ (၁၂)ရက်နေ့ နေ့လယ်ပိုင်းတွင် တံတားတစ်ခြမ်းပြိုကျသွား၍ အိမ်စီးကားငယ်တစ်စီး ကျွံကျသွားပြီး မော်တော်ယာဉ်ပေါ်မှ လူ (၂) ဦး ဒဏ်ရာရသွားခဲ့ခြင်းဖြစ်သည်။
စတင်ဖြစ်ပွားခဲ့ချိန်က အခြေအနေ ( ဓါတ်ပုံ - Kyaw Min Tun )
အဆိုပါ တံတားအား လမ်းဦးစီးဌာန၊ လမ်းအထူးအဖွဲ့(၆)က တံတားအစားထိုး ဘေလီသံဘောင်တံတားကို ဒီဇင်ဘာလ (၁၃) ရက်နေ့တွင် စတင်တည်ဆောက်ခဲ့ရာ ဒီဇင်ဘာလ (၁၅)ရက်နေ့ နံနက်(၈)နာရီခွဲမှစ၍ ယာဉ်ငယ်များ ဖြတ်သန်းသွားလာနိုင်ပြီဖြစ်ကြောင်း မိုင်းရယ်ပြန်ကြားရေးနှင့်ပြည်သူ့ဆက်ဆံရေးဌာန၏ သတင်းအရ သိရသည်။
စတင်ဖြစ်ပွားခဲ့ချိန်က အခြေအနေ ( ဓါတ်ပုံ - Kyaw Min Tun )
အဆိုပါ လမ်းပိုင်းသည် ရှမ်းပြည်နယ်တောင်ပိုင်းနှင့် မြောက်ပိုင်းကို ဆက်သွယ်ထားသည့် လားရှိုး - မယ်ဟန် - မိုင်းရယ် - ကျေးသီးလမ်းမှဖြစ်ပြီး အဆိုပါလမ်းတွင် ရှမ်းပြည်နယ်မြောက်ပိုင်းမှ မော်တော်ယာဉ် အစီးရေ (၂၅၀)ဝန်းကျင်နှင့် ရှမ်းပြည်နယ်တောင်ပိုင်းတွင် မော်တော်ယာဉ် (၅၅)စီးခန့် နေ့စဉ်ဖြတ်သန်းသွားလာနေခြင်း ဖြစ်ကြောင်း သိရသည်။
ဓါတ်ပုံ - မိုင်းရယ် ပြန်/ဆက် ၊ Kyaw Min Tun
ဆက်စပ်သတင်း
