တာချီလိတ်၏ ပထမအကြိမ် ရွှေတြိဂံဒေသရိုးရာမီးပုံးပျံပွဲတော် ဒုတိယနေ့ ဆက်လက်ကျင်းပနေ
ရှမ်းပြည်နယ် (အရှေ့ပိုင်း) တာချီလိတ်မြို့၏ ပထမဆုံးအကြိမ် ရွှေတြိဂံဒေသရိုးရာမီးပုံးပျံပွဲတော် ဒုတိယနေ့အဖြစ် ၂၀၁၉ ခုနှစ်၊ နိုဝင်ဘာလ (၁၆)ရက်နေ့တွင် ဆက်လက်ကျင်းပနေပြီး ညနေပိုင်းအစီအစဉ်များ ည (၆)နာရီ၌ စတင်မည်ဖြစ်သည်။
မီးပုံးပျံပွဲတော်ကို ရှမ်းစာပေနှင့် ယဉ်ကျေးမှုကွင်းတွင် နိုဝင်ဘာလ (၁၇)ရက်နေ့အထိ ကျင်းပမည်ဖြစ်ပြီး နေ့စဉ် နေ့လယ် (၂)နာရီမှစ၍ နေ့လွှတ်အရုပ်များနှင့် ညပိုင်းတွင် ညစဉ် (၆)နာရီမှစ၍ ဖျော်ဖြေရေးများနှင့် ညမီးကြီးများ လွှတ်တင်ခြင်းတို့ကို ကြည့်ရှုနိုင်ကြမည်ဖြစ်သည်။
နယ်စပ်မြို့ဖြစ်သည့် တာချီလိတ်တွင် မီးပုံးပျံပွဲတော်ကို ပထမဆုံးနှစ်အဖြစ် စတင်ကျင်းပနေရာ တာချီလိတ်မှ မီးပုံးပျံပညာရှင်များအပြင် တောင်ကြီးမြို့မှ မီးပုံးပျံပညာရှင်များလည်း လာရောက်ပူးပေါင်း ဆောင်ရွက်ပေးနေကြခြင်း ဖြစ်သည်။
မီးပုံးပျံပွဲတော် ပထမနေ့ ဖွင့်ပွဲတွင် ဆုမဲပေါင်း (၂၀၀)နီးပါး ပါဝင်သည့် ပံ့သကူမီးပုံးပျံ (၁) လုံး၊ ဟိုတယ်တာချီလိတ်၊ 1G1 Hotel နှင့် မဇ္ဇျိမလူမှုကူညီရေးအသင်းတို့၏ နေ့လွှတ်အရုပ် (၃)ရုပ်၊ ကြီးမြတ်သောရွှေမြင်းကုမ္ပဏီ ညမီးကြီး (၁)လုံးနှင့် တက်ရောက်လာသူများက အပျော်တမ်း မီးပုံးပျံငယ်အလုံးပေါင်း (၂၀၀)တို့ကို လွှတ်တင်ခဲ့ကြခြင်းဖြစ်သည်။
တာချီလိတ်မြို့၏ ပထမဆအကြိမ် ရွှေတြိဂံဒေသရိုးရာမီးပုံးပျံပွဲတော်ကို ဒေသခံပြည်သူများက ကော်မတီတစ်ရပ်ဖွဲ့ကာ အများပြည်သူပူးပေါင်းပါဝင်မှုဖြင့် ကျင်းပနေခြင်းဖြစ်သည်။
Tachileik News Agency
ဓါတ်ပုံ #ဟန်စိုးထိုက်၊ #ကျော်ဇင်ဟိန်း
ဆက်စပ်သတင်းများ
- နယ်စပ်မြို့ တာချီလိတ်၏ ပထမဆုံး ရွှေတြိဂံဒေသရိုးရာ မီးပုံးပျံပွဲတော်ကျင်းပရေး ထိုင်းနိုင်ငံကို အသိပေး ညှိနှိုင်းဆောင်ရွက်ထား
- တာချီလိတ်မြို့၏ ရွှေတြိဂံဒေသရိုးရာမီးပုံးပျံပွဲတော် ဖွင့်ပွဲ ကျင်းပရန်အတွက် ပြင်ဆင်နေ
- မီးပုံးပျံ အလုံး(၃၀)ကျော် လွှတ်တင်မည့် တာချီလိတ်မြို့၏ ပထမဆုံး ရွှေတြိဂံဒေသ ရိုးရာမီးပုံးပျံပွဲတော် အား ရှမ်းစာပေယဉ်ကျေးမှုကွင်းအတွင်း နေ့ရောညပါ (၃)ရက်တိုင်တိုင် ကျင်းပသွားမည်
- တာချီလိတ်မြို့မှာ ပထမဆုံး ကျင်းပမည့် မီးပုံးပျံပွဲ
- တာချီလိတ်တွင် ပထမဆုံး ကျင်းပမည့် မီးပုံးပွဲ ပွဲတော်ကာလအတွင်း တိုင်းရင်းသားရိုးရာ အမှတ်တရ နှင့် အစားအစာများ လာရောက် ရောင်းချရန် ဖိတ်ခေါ်
- တာချီလိတ်မြို့၏ ပထမဆုံး ရွှေတြိဂံဒေသရိုးရာမီးပုံးပျံပွဲတော်အတွင်း လွှတ်တင်မည့် ပံ့သကူမီးပုံးပျံတွင် ချိတ်ဆွဲရန် ပံ့သကူအလှူများ ပါဝင်နိုင် လှူဒါန်းရန်အတွက် စာရင်းပေးနိုင်
- တာချီလိတ် မီးပုံးပျံပွဲမှာ လွှတ်တင်မည့် ပံ့သကူမီးပုံးပျံ အစီအစဉ်
- တာချီလိတ်တွင် ပထမအကြိမ်အဖြစ် ကျင်းပမည့် ရွှေတြိဂံဒေသ ရိုးရာမီးပုံးပျံ ပွဲတော်တွင် ဖျော်ဖြေရေးအစီအစဉ်လည်း ပါဝင်မည်
- တာချီလိတ်မြို့၏ ပထမဆုံး မီးပုံးပျံပွဲတော်တွင် တောင်ကြီးမြို့မှ ပုညမီးအဖွဲ့ ပါဝင်လွှတ်တင်မည်
