ထိုင်းနိုင်ငံတွင် ဘတ် (၅)သောင်းနှင့်အထက် e – bank မှ ငွေလွှဲများအား စစ်ဆေးမည့် ငွေကြေးခဝါချမှု တိုက်ဖျက်ရေးရုံး၏ မူကြမ်းကို အစိုးရအဖွဲ့အစည်းအဝေးက အတည်ပြုပေးလိုက်ပြီဖြစ်ကြောင်း ၂၀၁၉ခုနှစ် အောက်တိုဘာလ(၁)ရက်နေ့တွင် ထိုင်းမီဒီယာများတွင် ဖော်ပြထားရှိသည်။

ငွေကြေးခဝါချမှုနှင့် အကြမ်းဖက်များအား ထောက်ပံ့မှုများကို ကာကွယ်ထိန်းချုပ်နိုင်ရေးနှင့်ပတ်သက်၍ နိုင်ငံတကာစံနှုန်းများဖြင့် တိုင်းတာပါက ထိုင်းနိုင်ငံအနဖြေင့် လုပ်ဆောင်ရမည့်ကိစ္စရပ် (၁၇)ခုကို လုပ်ဆောင်နိုင်ခြင်းမရှိကြောင်း တွေ့ရသဖြင့် ယင်းကဲ့သို့ အတည်ပြုပေးလိုက်ခြင်းဖြစ်ကြောင်း သိရသည်။

ငွေကြေးအဖွဲ့အစည်းများနှင့် ကျောက်မျက်ပွဲစား၊ ကားပွဲစား သို့မဟုတ် အိမ်ခြံမြေအကျိုးဆောင်ကဲ့သို့ လုပ်ငန်းများအပါအဝင် စီးပွားရေးလုပ်ငန်းများမှာ ငွေကြေးခဝါချမှုတိုက်ဖျက်ရေးဥပဒေ အခန်း ၁၆ အရ ကြီးကြပ်မည်ဖြစ်ကြောင်း သိရသည်။

မည်သည့်ငွေလွှဲမဆို သံသယဖြစ်ဖွယ်ရှိပါက ငွေကြေးခဝါချမှုတိုက်ဖျက်ရေးရုံးသို့ အသိပေးတင်ပြကြရမည်ဖြစ်ကြောင်း သိရသည်။

ဘတ် (၅၀,ဝဝဝ)နှင့်အထက် နိုင်ငံရပ်ခြားငွေလွှဲပို့မှုများအနဖြေင့် ငွေလွှဲသူနှင့် တစ်ဖက်မှ ငွေလက်ခံမည့်သူများ၏ မှတ်ပုံတင်၊ ယခင်က ငွေလွှဲပို့ထားဖူးသည်များအပါအဝင် အချက်အလက်အပြည့်အစုံ တင်ပြကြရတော့မည်ဖြစ်ကြောင်း သိရသည်။

Tachileik News Agency
Ref; The Nation

~~~~~~~~⊰❂ Unicode Version ❂⊱~~~~~~~~