~~~~~~~~⊰❂ Unicode Version ❂⊱~~~~~~~~

“မနေ့လောက်ကတော့ မူဆယ်က ခရီးသည်တင်ယာဉ်လိုင်း နှစ်ခုက စပြေးဆွဲတယ်။ ဒီနေ့တော့ ယာဉ်လိုင်းအားလုံး ပြန်ပြေးဆွဲတယ်။ ကုန်တင်ယာဉ်တွေလည်း သွားလာနပြေီ။ မန္တလေးနဲ့ မူဆယ်ကြား ပြည်ထောင်စုလမ်းမကြီးတလျှောက်မှာတော့ တိုက်ခိုက်တာတွေ မရှိတော့ဘူးလို့ သိရတယ်”ဟု မူဆယ်မြို့မှ လုပ်ငန်းရှင်တစ်ဦးဖြစ်သည့် ဦးဌေးက တာချီလိတ်သတင်းအေဂျင်စီသို့ ပြောသည်။

ရှမ်းပြည်နယ်မြောက်ပိုင်း၊ ပြည်ထောင်စုလမ်းမကြီးတလျှောက်တွင် ၂၀၁၉ ခုနှစ် သြဂုတ်လ (၁၅) ရက်နေ့က စတင်ပြီး မြောက်ပိုင်းမဟာမိတ် (၃)ဖွဲ့၏ တိုက်ခိုက်မှုများကြောင့် လမ်းပန်းဆက်သွယ်ရေး ပြတ်တောက်မှုများ၊ ပြည်ထောင်စုလမ်းပိုင်းတွင် သွားလာသည့် မော်တော်ယာဉ်များ မီးရှို့ဖျက်ဆီးခြင်းများ စက်တင်ဘာလ (၃)ရက်နေ့အထိ ဖြစ်ပွားခဲ့ခြင်းဖြစ်သည်။

ပြည်ထောင်စုလမ်းပိုင်းတွင် ပစ်ခတ်တိုက်ခိုက်မှုများကြောင့် သြဂုတ်လ (၁၇)ရက်နေ့မှစပြီး ခရီးသည်တင်ယာဉ်လိုင်းများနှင့် ကုန်တင်ယာဉ်များမှာ ရပ်နားထားကြပြီး လမ်းပိုင်းတွင် ပိတ်မိနေသည့် မော်တော်ယာဉ်များလည်း ရှိနေခဲ့ခြင်းဖြစ်သည်။

လက်ရှိတွင် မန္တလေး - မူဆယ်ပြည်ထောင်စုလမ်းတွင် မော်တော်ယာဉ်များ သွားလာနကြပြေီဖြစ်သော်လည်း မီးရှို့ခံထားရသည့်ကားများ ရှင်းလင်းရခြင်း မရှိသေးကြောင်း ဒေသခံများထံမှ သိရသည်။

မြောက်ပိုင်းတွင် တိုက်ခိုက်နေသည့် တိုင်းရင်းသားလက်နက်ကိုင်အဖွဲ့ (၃)ဖွဲ့အပါအဝင် မဟာမိတ် (၄)ဖွဲ့နှင့် ပြည်ထောင်စုငြိမ်းချမ်းရေးကော်မရှင်တို့ ၂၀၁၉ ခုနှစ်၊ သြဂုတ်လ (၃၁)ရက်နေ့က ရှမ်းပြည်နယ်(အရှေ့ပိုင်း)၊ ကျိုင်းတုံမြို့၌ တွေ့ဆုံဆွေးနွေးပြီးနောက် တပ်မတော်က စစ်တိုင်း(၅)တိုင်းတွင် စစ်ဆင်ရေးရပ်ဆိုင်းခြင်းကို သက်တမ်းထပ်တိုးခဲ့ကာ မဟာမိတ် (၃)ဖွဲ့က ပြည်ထောင်စုလမ်းတလျှောက် ထိုးစစ်ရပ်ဆိုင်းကြောင်း စက်တင်ဘာလ (၂)ရက်နေ့တွင် ထုတ်ပြန်ထားခြင်းဖြစ်သည်။

သတင်း - နဖြေိုးမြင့်( Tachileik News Agency )
ဓာတ်ပုံ - ကိုနေမျိုး