~~~~~~~~⊰❂ Unicode Version ❂⊱~~~~~~~~

“ဌာနရဲ့လမ်းညွှန်ချက်တွေနဲ့ အားကစားလုပ်ငန်းတွေမှာ ပံ့ပိုးသွားဖို့ပါ။ အခုလက်ရှိအနေနဲ့တော့ အဖွဲ့ဝင်တွေက အဖွဲ့ဝင်ကြေးအနေနဲ့ တစ်လဘယ်လောက် ထည့်ဝင်ကြေး ထည့်ကြမယ် စုကြမယ်ပေါ့ အဲဒီလောက်ပဲ လုပ်ထားတုန်းရှိပါသေးတယ်။ အားကစားအထောက်အကူပြုအနေနဲ့တော့ အောင်မြင်တဲ့ တိုးတက်တဲ့ ထူးချွန်တဲ့ ကလေးတွေကိုတော့ ကော်မတီအနေနဲ့ ဘယ်လိုထောက်ပံ့သင့်တယ်။ ဘယ်လိုကူညီပေးမယ်ပေါ့။ မြို့ပေါ်က စေတနာရှင်တွေရှိလို့ ပါဝင်လာရင်လည်း ဒီကလေးတွေကို စည်းမျည်းစည်းကမ်းနဲ့အညီ ပံ့ပိုးနိုင်အောင်လို့ပါ”ဟု ကော်မတီ၏ တွဲဖက်အတွင်းရေးမှူး ဦးဇော်မြင့်က တာချီလိတ်သတင်းအေဂျင်စီသို့ ပြောသည်။

အဆိုပါ ကော်မတီကို ဆန်ဆိုင်း (ခ) ရပ်ကွက်ရှိ မိုးလုံလေလုံအားကစားရုံတွင် နေ့လယ်(၁)နာရီက ကျင်းပသည့် အစည်းအဝေး၌ ဖွဲ့စည်းလိုက်ပြီးနောက် ကော်မတီ၏လုပ်ငန်းညှိနှိုင်းအစည်းအဝေးကိုပါ ကျင်းပခြင်းဖြစ်သည်။

အစည်းအဝေးတွင် ကော်မတီဥက္ကဋ္ဌ ဦးတင်လှိုင်က အဖွင့်အမှာစကားပြောကြားခြင်း၊ နာယကများဖြစ်သည့် ဦးမြင့်နွယ်၊ ဦးခင်မောင်မြင့်နှင့် ဦးရန်မျိူးအောင်တို့က အကြံပြုဆွေးနွေးခြင်း၊ ဘဏ္ဍာရေးမှူး ဦးမြင့်သန်းက ငွေစာရင်း ရှင်းလင်းတင်ပြခြင်းနှင့် ပိုက်ကျော်ခြင်းပြိုင်ပွဲကျင်းပရန် ဆွေးနွေးတင်ပြခြင်းများ ပြုလုပ်ပြီး တက်ရောက်လာသူများက အကြံပြုဆွေးနွေးကြသည်။

 Tachileik News Agency
ဓာတ်ပုံ - ကျော်ဇင်ဟိန်း